عىلىم جانە جوعارى ءبىلىم مينيسترلىگىنىڭ عىلىم كوميتەتىنە قاراستى «فيلوسوفيا, ساياساتتانۋ جانە ءدىنتانۋ ينستيتۋتى» جشق رمك باس ديرەكتورىنىڭ ورىنباسارى ەرمەك توقتاروۆتىڭ ايتۋىنشا, جاڭا اتا زاڭنىڭ قابىلدانۋى عىلىم ءۇشىن ماڭىزدى جاڭالىق بولماق. ول عىلىمنىڭ قۇندىلىق رەتىندە نەگىزگى زاڭ پرەامبۋلاسىندا, سونداي-اق ستراتەگيالىق باسىم باعىت رەتىندە ءۇشىنشى باپتا اتالعانىنا توقتالدى.
بيبىگۇل جەكسەنباي: جاڭا كونستيتۋتسيا – ۇلتتىق قۇرىلتايدا باستالعان رەفورمالاردىڭ لوگيكالىق جالعاسى
ء«بىزدىڭ قوعام ءۇشىن عىلىمنىڭ دامۋى اسا وزەكتى ماسەلە. جاڭا كونستيتۋتسيا وسى سالاعا بىرقاتار وزگەرىس الىپ كەلمەك. ماسەلەن, الداعى 2028 جىلدان باستاپ عىلىمدى قارجىلاندىرۋ جۇيەسى وزگەرەدى. جەرگىلىكتى اتقارۋشى ورگاندارعا عىلىمي زەرتتەۋلەر جۇرگىزۋ ءۇشىن تاپسىرىس بەرۋگە مۇمكىندىك قولجەتىمدى بولادى. بۇل عالىمدارىمىزدىڭ جۇمىس ىستەۋىنە ۇلكەن مۇمكىندىكتەر تۋعىزباق», دەپ اتاپ ءوتتى ول.
اتالعان ينستيتۋتتىڭ باس عىلىمي قىزمەتكەرى اسقار شومانوۆ بيىلعى جىل باستالعالى ەلىمىز ءۇشىن ماڭىزدى ساياسي وقيعالار ورىن الىپ جاتقانىن, سونىڭ ىشىندە ەڭ وزەكتىسى جاڭا كونستيتۋتسيا جوباسىن قابىلداۋ جونىندەگى رەسپۋبليكالىق رەفەرەندۋم ەكەنىن اتاپ ءوتتى.
«اتا زاڭىمىزدىڭ جاڭارۋى تەك ءماتىنىنىڭ وزگەرۋى عانا ەمەس. بۇل باستامالار ەلىمىزدە سوڭعى 5-6 جىلدا جۇرگىزىلىپ جاتقان رەفورمالارمەن استاسىپ جاتىر. جاڭا كونستيتۋتسيا ءبىزدىڭ بولاشاق دامۋ تراەكتوريامىزدى ايقىنداۋىمەن قۇندى. جوباعا ەلدىڭ ساياسي ءومىرىن عانا ەمەس, مەملەكەتتىك باسقارۋ جۇيەسىن جاڭعىرتۋعا باعىتتالعان ەرەجەلەر دە ەنگىزىلگەن. سونداي-اق قاراپايىم تۇرعىنداردىڭ دا جەكە ومىرلەرىنە قاتىستى ماسەلەلەردى قوزعايدى. سوندىقتان ءبىز تاريحي ماڭىزى زور بەتبۇرىسقا كۋا بولىپ وتىرمىز», دەدى ول.
عالىم, سونداي-اق, بۇگىنگى كونستيتۋتسيالىق رەفورمالاردى 1995 جىلى بۇكىلحالىقتىق رەفەرەندۋمدا جاڭا اتا زاڭىمىزدىڭ قابىلدانۋىمەن سالىستىرۋعا بولاتىنىن ايتتى.
«قازىرگى قولدانىستاعى كونستيتۋتسيا سول ۋاقىتتا ءبىزدىڭ الداعى ونداعان جىلعا ارنالعان ستراتەگيالىق دامۋ جولىمىزدى ايقىنداعان بولاتىن. 15 ناۋرىزدا رەسپۋبليكالىق رەفەرەندۋمدا جاڭا اتا زاڭىمىز قابىلدانار بولسا, ول دا ءبىزدىڭ مەملەكەتتىڭ جانە قوعامنىڭ الداعى جىلدارعا ارنالعان دامۋ باعىتىن ايقىنداپ بەرەتىنى ءسوزسىز. مەن ءبىزدىڭ حالقىمىز جاڭا جوبانى قولدايدى دەپ ۇمىتتەنەمىن», دەپ ءسوزىن تۇيىندەدى ول.
«م.ا. ايتحوجين اتىنداعى مولەكۋلالىق بيولوگيا جانە بيوحيميا ينستيتۋتى» جشق رمك عىلىمي قىزمەتكەرى اقبوتا راباتقىزى ءوز سوزىندە عىلىم – ەلدىڭ تەحنولوگيالىق دامۋى مەن باسەكەگە قابىلەتتىلىگىنىڭ نەگىزى ەكەنىن جەتكىزدى.
«جاڭا كونستيتۋتسيا جوباسىندا ءبىلىم مەن عىلىمنىڭ دامۋىنا قاتىستى ماڭىزدى نورمالار بار. مەن جاس ىزدەنۋشى عالىم رەتىندە بۇل باستامالاردىڭ ءمانىن تۇسىنەمىن. سوندىقتان 15 ناۋرىزدا دۇرىس شەشىم قابىلدايمىن», دەدى ول.
