«جاڭا كونستيتۋتسيا جوباسىندا ادام كاپيتالىن, ءبىلىم بەرۋ ءىسىن, عىلىم مەن يننوۆاتسيالاردى دامىتۋ ماسەلەسى نەگىزگى ستراتەگيالىق باسىمدىقتار رەتىندە ايقىندالدى. وسىلايشا جاڭا كونستيتۋتسيا مەملەكەت دامۋىنا تىڭ سەرپىن بەرەدى. جاڭا كونستيتۋتسيانىڭ ءمانى مەن ماڭىزى – ونىڭ ەلىمىزدەگى بارشا ازاماتتىڭ, بارلىق الەۋمەتتىك جانە كاسىبي توپ وكىلدەرىنىڭ مۇددەسى مەن سۇرانىسىن قامتۋىندا», دەدى ەرلان قارين.
ادىلەت ءمينيسترى ەرلان سارسەمباەۆ اتا زاڭ جوباسىندا ازاماتتاردىڭ قۇقىقتارى مەن بوستاندىقتارىنىڭ كەپىلدىگىن كۇشەيتۋ جانە تاۋەلسىز ادۆوكاتتاردىڭ ءرولىن ارتتىرۋعا ەرەكشە ءمان بەرىلگەندىگىن كورسەتتى. جيىنعا باسشىلىق ەتكەن وبلىس اكىمى اسحات شاحاروۆ جاڭا كونستيتۋتسيانىڭ مەملەكەت دامۋى مەن قوعام تۇراقتىلىعىن نىعايتۋداعى ماڭىزدىلىعى تۋرالى ايتا كەلىپ, وڭىردە ەكونوميكانى ءارتاراپتاندىرۋ, ينۆەستيتسيالىق بەلسەندىلىكتى كۇشەيتۋ, جاڭا جۇمىس ورىندارىن اشۋ مەن تۇرعىنداردىڭ ءال-اۋقاتىن ارتتىرۋ ماقساتىندا كوپتەگەن جۇمىستار قولعا الىناتىندىعىن ايتىپ ءوتتى.
وسىدان كەيىن جالپىۇلتتىق كواليتسيا مۇشەلەرى اقتوبە رەلس-ارقالىق زاۋىتىندا تەمىرجولشىلارمەن كەزدەسىپ, ءوندىرىس الاڭدارىن ارالادى.
اقتوبە وبلىسى
