فوتو: استانا قالاسى اكىمدىگى
استانا قالاسى اكىمدىگىنىڭ مالىمەتىنشە, وتكەن تۇندە ەلورداداعى قار پوليگوندارىنا 53 مىڭ تەكشە مەتردەن استام قار مەن مۇز شىعارىلدى.
25 اقپان كۇنى تاڭەرتەڭ قالانى قار مەن مۇزدان تازارتۋ جۇمىسىنا 1 700-دەن اسا ارنايى تەحنيكا مەن 3 084 جول جۇمىسشىسى جۇمىلدىرىلدى.
استانادا قار كۇرەۋگە ەكى مىڭعا جۋىق ارنايى تەحنيكا شىعارىلدى
«الدىمەن نەگىزگى كوشەلەر مەن قوعامدىق كولىك جولدارى تازالانادى. ودان كەيىن اۋلالار, الاڭدار, تروتۋارلار مەن ايالدامالار سىندى قوزعالىس قارقىنى ورتاشا اۋماقتاردا جۇمىس جۇرگىزىلەدى. قىس ماۋسىمى باستالعالى بەرى قالادان قار پوليگوندارىنا جۇك كولىكتەرى 404 130 رەيس جاساپ, 6 ملن تەكشە مەتر قار شىعارىلدى», دەلىنگەن اكىمدىك تاراتقان حابارلامادا.
سونداي-اق تۇرعىنداردىڭ قاۋىپسىز قوزعالىسىن قامتاماسىز ەتۋ ءۇشىن جولدارعا, كوشەلەر مەن جاياۋ جۇرگىنشىلەر جولىنا تەحنيكالىق تۇز سەبىلىپ جاتىر. بۇل جۇمىس تا تاۋلىك بويى توقتاماعان.
كەلەشەك وليمپيادالارعا دايىندىق باستالدى ما؟ استانادا جاڭا شاڭعى بازاسى پايدالانۋعا بەرىلدى
استانا اكىمدىگى تۇرعىندار مەن قالا قوناقتارىن قاۋىپسىزدىك ەرەجەلەرىن ساقتاۋعا, جولدار مەن جاياۋ جۇرگىنشىلەر جولىندا بارىنشا ساق بولۋعا جانە قولايسىز اۋا رايىندا الىس جولعا شىقپاۋعا شاقىرىپ وتىر.
