فوتو: istockphoto.com
ۇسىنىلعان زاڭ جوباسى ساراپتاما مەن تىركەۋ كەزەڭدەرىن بىرىكتىرىپ, ونى بىرىڭعاي ەلەكتروندىق قىزمەتكە اينالدىرۋ ارقىلى پروتسەدۋرانى جەڭىلدەتۋدى جانە جەدەلدەتۋدى كوزدەيدى. دەپۋتات بۇل جاڭا مەحانيزم ومىرلىك ماڭىزى بار پرەپاراتتاردىڭ قولجەتىمدىلىگىن قانشالىقتى جەڭىلدەتەتىنىن جانە فارماتسەۆتيكا نارىعىنىڭ ساپاسىنا قالاي اسەر ەتەتىنىن سۇرادى.
ۆيتسە-مينيستر تيمۋر مۇراتوۆتىڭ سوزىنشە, مينيسترلىك نارىققا ساپالى ءدارى-دارمەكتى جىلدام جەتكىزۋ ءۇشىن ولاردى تىركەۋ پروتسەسىن تەزدەتۋدى ۇيعارعان
«رەتتەۋ جۇيەسى جوعارى مەملەكەتتەر – اقش, ۇلىبريتانيا, جاپونيا جانە ەۋروپالىق وداق ەلدەرى ءۇشىن تىركەۋ 15 تاۋلىككە دەيىن ۋاقىت الادى, سودان كەيىن پرەپاراتتار نارىققا شىعا الادى. ال رەتتەۋ جۇيەسى قاتاڭ ەمەس ەلدەر ءۇشىن ءبىز تىركەۋ مەرزىمىن 100 كۇنگە دەيىن قىسقارتتىق», دەدى مۇراتوۆ.
