باتىس قازاقستاندا دەپارتامەنت باسشىسى قاماۋعا الىندى

ورال. 25 اقپان. باتىس قازاقستان وبلىستىق مەملەكەتتىك م ۇلىك جانە جەكەشەلەندىرۋ دەپارتامەنتىنىڭ باسشىسى پارا الدى دەگەن كۇدىكپەن قاماۋعا الىندى. بۇل تۋرالى egemen.kz ءتىلشىسى حابارلادى. ورىن العان وسى ءجايت بويىنشا ورال قالالىق سوتى اتالعان دەپارتامەنتتىڭ باسشىسى جەكسەنعالي سەرىكوپوۆقا ەكى اي مەرزىمگە بۇلتارتپاۋ شاراسىن قولداندى. باتىس قازاقستان وبلىستىق سوتىنىڭ ءباسپاسوز قىزمەتى تاراتقان دەرەككە سۇيەنسەك ول جەكە كاسىپكەردەن 400 مىڭ تەڭگە تالاپ ەتكەن. ماسەلەنىڭ ءمانىسى مىنادا. اتالعان مەنشىك يەسى قوعامدىق تاماقتاندىرۋ ورنىن جالداپ پايدالانۋ جونىندە ونىڭ يەسىمەن كەلىسىمشارتقا وتىرعان. ءوزارا كەلىسىلگەن بەلگىلى ءبىر كەزەڭدە ونىڭ مەرزىمى اياقتالعان. بۇدان ءارى كەلىسىمشارتتىڭ مەرزىمىن تاعى دا ودان ءارى ۇزارتۋدىڭ رەتى مەن مۇمكىندىگى بولماعان. وسىنداي ۇرىمتال ءساتتى پايدالانىپ اتالعان دەپارتامەنت باسشىسى جوعارىدا ايتىلعانداي وتە لاس ءىس ارەكەتكە بارعان. ءسويتىپ ول كەلىسىمنىڭ مەرزىمىن ودان ءارى ۇزارتۋ ءۇشىن 400 مىڭ تەڭگە كولەمىندە پارا بەرۋدى سۇراعان. الايدا, ونىڭ بۇل جىمىسقى ويى ىسكە اسپادى. ول كورسەتىلگەن سومانىڭ الۋ كەزىندە ۇستالدى. قازىرگى كۇنى لاۋازىمدى قىزمەتكەرگە قاتىستى قىلمىستىق كودەكستىڭ بەلگىلى ءبىر بابى مەن بولىگى جانە تارماعى بويىنشا ايىپ تاعىلىپ وتىر. تەمىر قۇسايىن. دەرەك: egemen.kz. سۋرەت:Turkestan.kz.