اتىراۋدا پوليتسەي سوتتالدى

اتىراۋ. 25 اقپان. اتىراۋ وبلىسىندا رەسمي قۇجاتتى شىن مانىندە بۇرمالاپ, ءوزى جالعان قول قويىپ, رەسمي قۇجاتقا جالعاندىق جاساعانى ءۇشىن پوليتسيا قىزمەتكەرىنە سوت ۇكىمى شىقتى. بۇل تۋرالى ماقات اۋداندىق پروكۋراتۋراسى حابارلادى. «ابزال وزىقباي 2014 جىلعى 13 قاراشادا ساعات 13.00 شاماسىندا ماقات اۋداندىق ىشكى ىستەر ءبولىمىنىڭ جول-پاترۋلدىك پوليتسيا روتاسىنىڭ پوليتسەيى لاۋازىمىندا قىزمەت اتقارا ءجۇرىپ, مەملەكەتتىك قىزمەتتەر اتقارۋعا ۋاكiلەتتi ادام بولا تۇرا, رەسمي قۇجاتتارعا كورىنەۋ جالعان مالiمەتتەردi eنگىزۋ, سول سياقتى اتالعان قۇجاتتارعا ولاردىڭ شىن مازمۇنىن بۇرمالايتىن تۇزەتۋلەر ەنگىزۋ, نە كورiنەۋ جالعان نەمەسە قولدان جاسالعان قۇجاتتار بەرۋ ارقىلى وزiنە پايدا مەن ارتىقشىلىق الۋمەن, ۇيىمدارعا زيان كەلتiرۋ ارقىلى قىزمەتتىك جالعاندىق جاساۋ ماقساتىندا, ازامات الديار سالىقوۆپەن اتىراۋ قالاسى اتىراۋ ىقشام اۋدانىندا كەزدەسكەن. وزىمەن بىرگە الىپ كەلگەن 06 №030583 ساندى اكىمشىلىك قۇقىق بۇزۋشىلىق تۋرالى حاتتاماعا ارنالعان ۋاقىتشا كولىك قۇرالىن جۇرگىزۋ كۋالىگىنە الديار سالىقوۆتىڭ 2014 جىلعى 5 قاراشادا ماقات اۋداندىق سوتىنىڭ قاۋلىسىمەن 1 جىل مەرزىمگە جۇرگىزۋشىلىك قۇقىعىنان ايىرىلعانىن بىلە تۇرا, اكىمشىلىك قۇقىق بۇزۋشىلىق تۋرالى كودەكسىنىڭ 163-1 بابىن بۇزعانى ءۇشىن دەگەن جالعان مالىمەتتەر ەنگىزىپ, حاتتاما تولتىرعان قىزمەتكەردىڭ ورنىنا ارمان ۇلى ا.م. جول پاترۋلدىك پوليتسيا روتاسىنىڭ قىزمەتكەرى دەگەن جالعان ىشكى ىستەر ورگانىن قىزمەتكەرىنىڭ اتى-ءجونىن كورسەتىپ, رەسمي قۇجاتتى شىن مانىندە بۇرمالاپ, ءوزى جالعان قول قويىپ, رەسمي قۇجاتقا جالعاندىق جاساعانى ءۇشىن ا.سالىقوۆتان بارلىعى 15 000 تەڭگە العان. 2014 جىلعى 24 قاراشادا ساعات 22.50 شاماسىندا ماقات پوسەلكەسىندە ورنالاسقان «زالينا» كافەسىنىڭ تۇسىندا ماركاسى «لادا پريورا» مەملەكەتتىك بەلگىسى 625 سسا 06 اۆتوكولىگى توقتاتىلىپ, قۇجاتتارىن تەكسەرۋ كەزىندە ا.سالىقوۆتان ماقات اۋداندىق ىشكى ىستەر ءبولىمىنىڭ جول- پاترۋلدىك پوليتسيا روتاسىنىڭ پوليتسەي-جۇرگىزۋشىسى ا.وزىقبايمەن بەرىلگەن 06 №030583 ساندى ارمان ۇلى ا.م. جول-پاترۋلدىك قىزمەتكەرى اتى-ءجونى كورسەتىلىپ, جالعان مالىمەتتەر ەنگىزىلگەن كولىك قۇرالىن ۋاقىتشا جۇرگىزۋ كۋالىگى انىقتالعان» دەپ حابارلادى ماقات اۋدانى پروكۋرورىنىڭ ورىنباسارى دوسبول باعىتجانوۆ. وسىعان بايلانىستى وتكەن سوت وتىرىسىندا ا.وزىقباي ءوزىنىڭ كىناسىن تولىق مويىنداعان. سونىمەن بىرگە, ءوزىنىڭ جاساعان ارەكەتىنە ەندى شىن وكىنەتىندىگىن ايتىپ, جەڭىل جازا تاعايىنداۋدى سۇراپتى. بىراق, ماقات اۋداندىق سوتىنىڭ ۇكىمىمەن ا.وزىقباي قىلمىستىق كودەكستىڭ 314-بابىنىڭ 1-بولىگىمەن كىنالى دەپ تانىلدى. ءسويتىپ, وعان 1 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى. سونىمەن قاتار, ا.سالىقوۆ جالعان قۇجاتتى كورىنەۋ بىلە تۇرا پايدالانعانى ءۇشىن اۋداندىق سوتىنىڭ ۇكىمىمەن قىلمىستىق كودەكستىڭ 325-بابىنداعى 3-بولىگىمەن كىنالى دەپ تانىلىپ, ەكى ساعاتقا قوعامدىق جۇمىسقا تارتىلىپتى. سوت ۇكىمى كۇشىنە ەندى. جولداسبەك شوپەعۇل. دەرەك: ماقات اۋداندىق پروكۋراتۋراسى. سۋلەت: «قازاقپارات».