فوتو: olympic.kz
سپورتشى ەل ءۇشىن ءادىل قاعيدالاردى بەكىتۋ ازاماتتاردىڭ ورتاق مىندەتى ەكەنىنە نازار اۋداردى.
ء«ار سپورتشى ءۇشىن كوك تۋدى جەلبىرەتۋ – وتان الدىنداعى جوعارعى ماراپات. وليمپيادا تاتاميىندە بۇكىل حالىقتىڭ دەمىن سەزىنەسىڭ. بۇل سەنى تاباندى بولۋعا, ەرەجەنى ساقتاي وتىرىپ كۇرەسۋگە جانە جەڭىس ءۇشىن بار كۇش-جىگەرىڭدى سالۋعا مىندەتتەيدى. شىنايى جەڭىسكە تەمىردەي ءتارتىپ پەن سپورت ەرەجەلەرىنە قۇرمەتپەن قاراماي جەتە المايسىڭ. ءادىل باسەكە مەن جۇيەلى ءتارتىپ قانا الەمدىك دەڭگەيدە مويىندالۋعا جول اشادى. ءاربىر بەلدەسۋ كوماندانىڭ ناتيجەسى, ءار سپورتشىنىڭ جىگەرىنە بايلانىستى ەكەنىن ۇعىندىرادى. ەل ىشىندەگى باستى جەتىستىكتەر دە ورتاق تارتىپتەن باستالادى. الداعى رەفەرەندۋم بۇكىل قازاقستان ءۇشىن ءادىل قاعيدالاردى بەكىتۋ مۇمكىندىگى. ءبىزدىڭ بولاشاعىمىز – ءوز قولىمىزدا», دەدى عۇسمان قىرعىزباەۆ.
سونداي-اق شاحماتتىڭ بليتس ءتۇرى بويىنشا ايەلدەر اراسىندا 3 دۇركىن الەم چەمپيونى ءبيبىسارا اساۋباەۆا دا ەلىمىزدىڭ بولاشاعىنا باعىتتالعان اۋقىمدى ءىس-شاراعا قولداۋ ءبىلدىردى.
جالپىۇلتتىق كواليتسيا وكىلدەرى شىمكەنت تۇرعىندارىمەن كەزدەستى
