قوستاناي. 25 اقپان. قوستاناي وبلىسىندا كوكتەمگى سۋ تاسقىنىنىڭ الدىن الۋعا دايىندىق جۇمىستارى باستالدى. وعان وبلىس بيۋدجەتىنەن ارنايى قارجى ءبولىنىپ وتىر. بۇل تۋرالى egemen.kz ءتىلشىسى حابارلادى.
وبلىستاعى توتەنشە جاعدايلار دەپارتامەنتى باستىعى ورتكە قارسى قىزمەت پولكوۆنيگى تالعات كاكىموۆ بۇگىنگى جاعدايعا شولۋ جاسادى. بيىل سۋ تاسقىنى 12 مىڭ شارشى شاقىرىمنان استامدى قۇرايدى دەگەن بولجام بار. ول جەرلەردە 600 مىڭ تۇرعىنى بار 1.471 تۇرعىن ءۇيل, 35 اۆتوكولىك جولدارىنىڭ ۋچاسكىلەرى, 17 ەلەكترمەن قامتاماسىز ەتۋ جەلىلەرى ورنالاسقان. سۋ باسۋ قاۋىپى بار اۋدانداردا 52 كوشىرۋ بەكەتى, 48 ءبىلىم نىساندارى, ءۇش قوناق ءۇي, ءبىر مادەنيەت ءۇيى دايارلاندى.
تالعات كاكىموۆ: «وبلىستا سۋ تاسقىنىنا بايلانىستى قالىپتاساتىن توتەنشە جاعدايلار ءۇشىن 27 ملن. تەڭگە قاجى قاراستىرىلعان. سونداي-اق وبلىس اۋماعىندا سۋ تاسقىنى جاعدايىن اۋەدەن تەكسەرۋ جۇرگىزۋگە 9 ملن. 892 مىڭ تەڭگە قارجى ءبولىندى. ۇشاق ءۇشىن كەلىسىم شارتقا وتىردىق» دەدى.
اعىمداعى جىلى تاران اۋدانىنداعى تاران جانە مايسكي اۋىلدارىنا جاقىن ايات كولىندە, اۋليەكول اۋدانى كوكتال اۋىلىنداعى تەرەكتى كولىندە مۇز جارۋ جوسپارلانعان. كولدەردىڭ مۇزدى كەپتەۋلەرىن قوپسىتۋ ءۇشىن جارىلىس جۇمىستارىنا وبلىس بيۋدجەتىنەن 9 ملن. 321,2 تەڭگە بولىنەدى.
سۋ تاسقىنىنىڭ الدىن الۋ ءۇشىن 36 مىڭ شارشى مەتر مۇز اۋماعى جارىلادى. قالالار مەن اۋداندار اكىمدىگىنەن قوسىمشا وتىنىشتەر كەلىپ تۇسكەن جاعدايدا ءتيىستى اۋدانداردا جارىلىس جۇرگىزۋ جۇمىستارى ۇيىمداستىرىلادى. ارينە, مۇنداي جاعدايدا جارىلاتىن مۇز اۋماعى ۇلكەيە تۇسەدى.
ءنازيرا جارىمبەتوۆا.
دەرەك, سۋرەت: egemen.kz.
