سۋرەت: eldala.kz
بۇرىنعى سەمەي يادرولىق سىناق پوليگونىنىڭ 434 مىڭ گەكتار جەرىن ماي اۋدانىنىڭ زاپاستاعى جەر قورىنىڭ ساناتىنا اۋىستىرۋ ۇيعارىلدى.
– بيىل كۋرچاتوۆ قالاسىنىڭ 11 مىڭ گەكتار اۋماعىن اباي وبلىسىنا بەرۋگە بايلانىستى وبلىس پەن ەلدى مەكەندەر شەكارالارىن رەتتەۋ, سونداي-اق پاۆلودار وبلىسىنىڭ باياناۋىل اۋدانى مەن قاراعاندى وبلىسىنىڭ وساكاروۆ اۋدانى اراسىنداعى كوپجىلدىق جەر داۋىن تۇپكىلىكتى شەشۋ جۇمىسى اياقتالۋعا ءتيىس. سونداي-اق بۇرىنعى سەمەي يادرولىق سىناق پوليگونىنىڭ 434 مىڭ گەكتار جەرىن ماي اۋدانىنىڭ زاپاستاعى جەر قورىنىڭ ساناتىنا اۋىستىرۋ جوسپارلانعان, – دەپ حابارلادى وبلىستىق اكىمدىكتەن.
وڭىردە جايىلىمدىق جەرلەر تاپشىلىعى اسا وزەكتى. 80 اۋىلدا جەكە قوسالقى شارۋاشىلىق بويىنشا جايىلىم تاپشىلىعى – 109,9 مىڭ گەكتار. حالىقتىڭ قاجەتتىلىگى ءۇشىن قازىردىڭ وزىندە 10,9 مىڭ گەكتار جەر قايتا ءبولىندى. جايىلىم تاپشىلىعىن جويۋ بويىنشا جول كارتاسى ازىرلەنۋدە, سونداي-اق جەردىڭ توزۋى مەن شولەيتتەنۋىنە قارسى ءىس-شارالار, ونىڭ ىشىندە ونىمدىلىگى تومەن ۋچاسكەلەردى شالعىنداندىرۋ مەن ب ۇلىنگەن اۋماقتاردى رەكۋلتيۆاتسيالاۋ باعدارلاماسى جۇزەگە اسىرىلىپ جاتىر.
رەسمي مالىمەتتەرگە سۇيەنسەك, اقتوعاي, باياناۋىل اۋداندارى مەن ەكىباستۇز قالاسىنىڭ اۋىلدىق ايماعىندا مال شارۋاشىلىعىنىڭ بەلسەندى دامۋىنا بايلانىستى ەگىستىك جەرلەر جايىلىمعا اۋىستىرىلىپ جاتىر. ال پاۆلودار, ەرتىس اۋداندارىندا, اقسۋ قالاسىنىڭ اۋىلدىق ايماعىندا, سونداي-اق تەرەڭكول مەن اققۋلى اۋداندارىندا كەرىسىنشە, وسىمدىك شارۋاشىلىعىنىڭ كولەمىن ارتتىرۋ ءۇشىن جايىلىمدىق جەرلەر ەگىستىككە قايتا باعىتتالادى. بۇل رەتتە سۋارمالى ەگىنشىلىكتى دامىتۋ مەملەكەت باسشىسى تاراپىنان اگرارلىق ساياساتتىڭ ستراتەگيالىق باسىمدىعى رەتىندە ايقىندالعانىن ەسكەرگەن ابزال. 2025 جىلى سۋارمالى القاپتاردىڭ كولەمى 11,6 مىڭ گەكتارعا ۇلعايىپ, 191,2 مىڭ گەكتارعا جەتكەن. جەر پايدالانۋشىلار قاراجاتى ەسەبىنەن 3,5 مىڭ گەكتار اۋماقتا ينجەنەرلىك-كوممۋنيكاتسيالىق ينفراقۇرىلىم تارتۋ بويىنشا 10 جوبا ىسكە اسىرىلىپ, سۋارمالى القاپتاردىڭ ناقتى كولەمى 85 مىڭ گەكتارعا جەتكىزىلدى. بيىل جالپى اۋماعى 2 مىڭ گەكتارعا جۋىق بەس سۋارمالى ەگىس القابىن ىسكە قوسۋ جوسپارلانعان.
قۋانتارلىعى, 2025 جىلدىڭ قورىتىندىسى بويىنشا جەردى اۋىل شارۋاشىلىعى اينالىمىنا تارتۋ جوسپارى 196,1 مىڭ گەكتار كولەمىندە ورىندالىپ, كوزدەلگەن مەجەدەن اسىپ تۇسكەن. ال 2026 جىلعى جوسپار 238 مىڭ گەكتار كولەمىندە بەلگىلەنىپ قويىپتى. اۋىل شارۋاشىلىعى جەرلەرىن قوسپاعاندا, وبلىستىڭ ءۇش قالاسىنىڭ ەلدى مەكەندەرىندەگى جەر ۋچاسكەلەرى جىلجىمايتىن م ۇلىكتىڭ بىرىڭعاي مەملەكەتتىك كاداسترى ارقىلى ونلاين-فورماتتا ۇسىنىلادى. قاڭتار ايىنان باستاپ جالعا الۋ مەرزىمىن ۇزارتۋ, نىسانالى ماقساتىن وزگەرتۋ جانە جەر ۋچاسكەلەرىن جەكەمەنشىككە ساتۋ مەملەكەتتىك قىزمەتتەرى ىسكە قوسىلعان.
پاۆلودار وبلىسى
