ماڭعىستاۋدا زاڭسىز بالىق اۋلاعان شەتەلدىكتەر سوتتالدى

اقتاۋ. 25 اقپان. كاسپي تەڭىزىنىڭ قازاقستاندىق بولىگىنەن زاڭسىز بالىق اۋلاعان ازەربايجان رەسپۋبليكاسىنىڭ ازاماتتارىنا قاتىستى سوت شەشىمى شىقتى. بۇل تۋرالى egemen.kz ءتىلشىسى حابارلادى. ەلىمىزدىڭ شەكاراسىن كەسىپ ءوتىپ, زاڭسىز وسەترا تۇقىمدى بالىقتارىن اۋلاعان ازەربايجان رەسپۋبليكاسىنىڭ ءۇش ازاماتىن تابيعاتتى قورعاۋ پوليتسياسى قىزمەتكەرلەرى قولعا تۇسىرگەن بولاتىن. قۇزىرلى ورىنداردىڭ حابارلاۋىنشا, ولاردىڭ زاڭسىز ارەكەتىنىڭ سالدارى مەملەكەتكە كەڭ كولەمدە شىعىن اكەلگەن. تۇپقاراعان اۋداندىق سوتى شەشىمىمەن كىنالى بولىپ تابىلعان ءۇش زاڭسىز بالىق اۋلاۋشى شەتەلدىكتىڭ ارقايسىسى ەكى جىل باس بوستاندىعىنان ايرىلىپ, جازاسىن جالپى رەجيمدەگى تۇزەۋ كولونياسىندا وتەۋگە ۇكىم شىقتى. ازەربايجاندىق ءۇش ازاماتتىڭ كەلتىرگەن ەكولوگيالىق زاردابى 390 ملن. تەڭگەگە ەسەپتەلىپ وتىر, سونداي-اق ولاردان تاركىلەنگەن ءۇش ءجۇز كيلو. وستەرا تۇقىمدى بالىق, «بايدا» تيپتەس جۇزگىش قۇرال مەن وزگە دە ايعاق زاتتار مەملەكەت پايداسىنا تاركىلەندى. گۇلايىم شىنتەمىرقىزى. دەرەك: egemen.kz. سۋرەت: «قازاقپارات».