ماڭعىستاۋدا دارىگەرلەر ۇستىنەن قىلمىستىق ءىس قوزعالدى

اقتاۋ. 25 اقپان. ماڭعىستاۋ وبلىسىندا قىزىلشاعا قارسى ەكپەدەن سوڭ وقۋشىلاردىڭ اۋىر حالدە قالۋى دارىگەرلەردىڭ ۇستىنەن قىلمىستىق ءىس قوزعاۋعا سوقتىردى. بۇل تۋرالى egemen.kz ءتىلشىسى حابارلادى. ماڭعىستاۋ وبلىسىنىڭ جاڭاوزەن قالاسى مەكتەپتەرىنىڭ وقۋشىلارى مەن كوللەدج ستۋدەنتتەرىنە, ياعني 16 مەن 19 جاس ارالىعىنداعى جاسوسپىرىمدەرگە جۇرگىزىلگەن ەكپە سوڭى دۇربەلەڭگە ۇلاستى. باسى اينالىپ, اياق-قولى قۇرىسىپ, ەسىنەن تانعان وقۋشىلاردىڭ سانى قازىر 100-دەن استى. اراسىندا وسى ۆاكتسينا سالدارىنان بەينەۋ اۋدانىنان كەلگەن وقۋشىلار دا بار. وقۋشىلاردىڭ بىرقاتارى ماڭعىستاۋ وبلىستىق اۋرۋحاناسىنىڭ جانساقتاۋ بولىمىنە تۇسكەن. ال اتا-انالار ارادا ءبىر اپتا ۋاقىت وتسە دە بالالارىنىڭ دەنەسى قۇرىسىپ, ءجيى-ءجيى ەستەرىنەن تانىپ قالاتىنىن ايتۋدا. قازىرگى تاڭدا جەتكىنشەكتەرگە سالىنعان ۆاكتسينادان سىناما جانە وسى ەكپە ەستەرىنەن تاندىرعان بالالاردان قان الىنىپ, سوت مەديتسينالىق ساراپتاما تاعايىندالدى, ۆاكتسيناعا تاعايىندالعان ساراپتاما قورتىندىسى 2 اپتادان سوڭ دايىن بولماق. ماڭعىستاۋ وبلىستىق ىشكى ىستەر دەپارتامەنتى دارىگەرلەرگە فارماتسەۆتيكالىق جانە مەديتسينالىق كاسىبي مىندەتىنە سالعىرت قارادى دەگەن ايىپ تاعىپ وتىر. گۇلايىم شىنتەمىرقىزى. دەرەك: egemen.kz. سۋرەت: alashainasy.kz.