اتىراۋدا نۇرسۇلتان نازارباەۆتى قولداۋ فورۋمى ءوتتى

اتىراۋ. 26 ناۋرىز. اتىراۋداعى «نۇر وتان» پارتياسى وڭىرلىك فيليالى الدىنداعى الاڭدا پرەزيدەنتتىككە كانديدات نۇرسۇلتان نازارباەۆتى قولداۋشىلار فورۋمى ءوتتى. وعان وڭىردەگى كاسىپورىندار مەن مەكەمەلەردە جۇمىس جاسايتىن مۇنايشىلار مەن تەمىرجولشىلار, ەتنومادەني بىرلەستىكتەر مەن جاستار ۇيىمدارىنىڭ مۇشەلەرى, مۇعالىمدەر مەن دارىگەرلەر, قارجى سالاسىنىڭ قىزمەتكەرلەرىنەن قۇرالعان ەكى مىڭنان استام قولداۋشىلار قاتىستى. بۇل تۋرالى egemen.kz ءتىلشىسى حابارلادى. فورۋمدا الدىمەن قازاقستان رەسپبۋليكاسى پرەزيدەنتتىگىنە كانديدات نۇرسۇلتان نازارباەۆتىڭ وبلىستىق قوعامدىق شتابىنىڭ جەتەكشىسى بەيبىت مامراەۆ ءسوز الىپ, تاۋەلسىز قازاقستاننىڭ بۇگىنگى جەتىستىكتەرى ەلباسى نۇرسۇلتان نازارباەۆتىڭ كورەگەن ساياساتىنىڭ, ەل بىرلىگى مەن حالىق ىنتىماعىنىڭ جەمىسى ەكەنىنە كەڭىنەن توقتالدى. مۇنايلى وڭىردە تاتۋلىق پەن تۇراقتىلىقتىڭ ورنىعۋىنا ۇلەس قوسىپ جۇرگەن وزگە ەتنوستاردىڭ اتىنان ءسوز العان «ۆيدەرگەبۋرگ» نەمىس ەتنومادەني بىرلەستىگىنىڭ جەتەكشىسى الەكساندر دۋملەر: «ءبىزدىڭ ەلىمىزدە تۇراقتىلىق پەن قوعامدىق كەلىسىم بار. ەكونوميكالىق وركەندەۋ جاڭا بيىكتەرگە جەتەلەپ كەلەدى. جۇمىس ورىندارى اشىلىپ جاتىر. جاڭا كاسىپورىندار ىسكە قوسىلۋدا. وسىنىڭ ءبارى ەلباسى نۇرسۇلتان نازارباەۆتىڭ ەلدى بىرلىككە ۇيىستىرعان, جاڭا ىستەرگە جۇمىلدىرعان كورەگەن ساياساتىنىڭ جەمىسى. ءبىز ەلباسىنىڭ ساياساتىن قولدايمىز», دەدى. نۇرسۇلتان نازارباەۆتىڭ كانديداتۋراسىن قولداعان ساياسي ۇيىمنىڭ ءبىرى – «پاتريوتتار» پارتياسى. فورۋمدا ءسوز العان اتالعان ساياسي ۇيىمنىڭ وڭىرلىك فيليالىنىڭ ءبىرىنشى حاتشىسى اعيلا مولداعاليەۆانىڭ پىكىرىنشە, قازاقستان تاۋەلسىزدىككە يە بولعان جىلداردا باسقا مەملەكەتتەر عاسىرلار بويى ءجۇرىپ وتكەن جولدى ەڭسەرىپ, قارقىندى دامۋشى, ەكونوميكالىق قۋاتتى مەملەكەتكە اينالدى. شارا بارىسىندا ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ پروفەسسورى باقتىبەك تاۋباەۆ: «ءبىزدىڭ ءبارىمىزدىڭ ءبىر وتانىمىز بار. ول –تاۋەلسىز قازاقستان. ءبىزدىڭ باستى بايلىعىمىز – تاۋەلسىزدىك. سەبەبى, حالىققا ەڭ كەرەگى – تۇراقتىلىق پەن بەيبىت ءومىر. ال ەلباسىنىڭ ەلىمىز تاۋەلسىزدىك العالى جۇرگىزىپ وتىرعان ساياساتىنىڭ باستى دىڭگەگى – تۇراقتىلىق. قازاقستان نۇرلى بولاشاققا نۇرسۇلتان نازارباەۆپەن بىرگە جەتۋدى قالايدى», دەدى. سونىمەن بىرگە, بۇل كۇنى اتىراۋ قالاسىنداعى ق.سماعۇلوۆ اتىنداعى الاڭدا جاستار مەن ستۋدەنتتەردىڭ نۇرسۇلتان نازارباەۆتى قولداۋعا ارنالعان فلەشموبى ءوتتى. وبلىستىق قوعامدىق شتاب مۇشەلەرى نۇرسۇلتان نازارباەۆتىڭ سايلاۋالدى باعدارلاماسىمەن تانىستىرۋ ءۇشىن «اتىراۋ جىلۋ-ەلەكتر ورتالىعى» اق-نىڭ ۇجىمىمەن كەزدەستى. جولداسبەك شوپەعۇل. دەرەك: egemen.kz. Cۋرەت: راحىم قويلىباەۆ.