سولتۇستىك قازاقستاندا ماس جۇرگىزۋشىلەر ازايماي تۇر

پەتروپاۆل. 25 اقپان. سولتۇستىك قازاقستان وبلىسىندا وتكەن «قاۋىپسىز جول رەسپۋبليكالىق جەدەل-پروفيلاكتيكالىق الدىن-الۋ شاراسىنا 550-گە جۋىق پوليتسەي, 105 اۆتوپاترۋل جۇمىلدىرىلدى. قوسىمشا پوستىلار قويىلعان. بۇل تۋرالى egemen.kz ءتىلشىسى حابارلادى. ءوىىد باسشىسىنىڭ ورىنباسارى سەرىك ىدىرىسوۆتىڭ ايتۋىنشا, رەيد وبلىس ورتالىعىمەن قوسا 13 اۋداندى تۇگەل قامتىپ, ۋچاسكەلىك ينسپەكتورلار دا تارتىلعان. وكىنىشتىسى سول, وڭىردە جول ەرەجەلەرىن ورەسكەل بۇزۋ فاكتىلەرىنىڭ كەميتىن ءتۇرى بايقالمايدى. ءبىر كۇندە عانا 394 جول ەرەجەلىن ساقتاماۋ فاكتىلەرى تىركەلگەن. ولاردىڭ اراسىندا ۇيالى تەلەفونمەن سويلەسۋ, قاۋىپسىزدىك بەلدىگىن تاقپاۋ, جىلدامدىقتى شامادان تىس ارتتىرۋ, قارسى بەتكە شىعۋ كەتۋ سەكىلدى جايتتار ءجيى كەزدەسكەن. ءتارتىپ بۇزۋشىلارعا اكىمشىلىك حاتتامالار تولتىرىلىپ, ايىپپۇلدار سالىنعان. ەڭ سوراقىسى, 24 جۇرگىزۋشىنىڭ اراق ءىشىپ العانى انىقتالعان. ءومىر ەسقالي. دەرەك: egemen.kz. سۋرەت: news.nur.kz.