ساۋالناماعا قاتىسقانداردىڭ 72,5 مىڭى (ياعني 41%) تابىستىڭ ازدىعىن باستى فاكتور رەتىندە اتاعان. سالىستىرمالى تۇردە العاندا, ەڭبەك جاعدايىنىڭ قولايسىزدىعىنا بايلانىستى جۇمىستان كەتكىسى كەلەتىندەر 11% عانا. بۇل كوپشىلىك ءۇشىن جۇمىستىڭ قيىندىعىنان گورى تابىس كولەمى ماڭىزدى ەكەنىن كورسەتەدى.
سونىمەن قاتار رەسپوندەنتتەردىڭ 26%-ى (شامامەن 46 مىڭ ادام) ءوز ماماندىعى بويىنشا جۇمىس ىستەگىسى كەلەتىنىن ايتقان. كوپشىلىگى قازىرگى تاڭدا العان بىلىمىنە سايكەس كەلمەيتىن سالادا ەڭبەك ەتىپ جۇرگەنىن مويىندايدى.
جۇمىسىن اۋىستىرۋدى جوسپارلاعانداردىڭ باسىم بولىگى – قالا تۇرعىندارى. قالالاردا مۇنداي نيەتى بارلار سانى 123,5 مىڭ ادامدى قۇرايدى. ال اۋىلدىق جەرلەردە بۇل كورسەتكىش شامامەن ەكى ەسە از, بۇل وڭىرلەردە بالاما جۇمىس ورىندارىنىڭ تاپشىلىعىن اڭعارتۋى مۇمكىن.
ءادىل ەڭبەك, قاۋىپسىز جۇمىس, لايىقتى جالاقى: ماكسيم روجين جاڭا كونستيتۋتسيانىڭ ماڭىزدى تۇسىن اتادى
