فوتو: اشىق دەرەككوز
قانداي لاۋازىمدار قىسقارتىلمايدى؟
بۇل قۇجات ءبىر مەزگىلدە ەڭبەكاقى تولەۋ قورىن تۇزەتە وتىرىپ, التى ايدان ارتىق بوس تۇرعان شتات بىرلىكتەرىن قىسقارتۋدى كوزدەيدى. الايدا اتالعان نورمالار ءبىرىنشى باسشىلاردىڭ, ماۋسىمدىق قىزمەتكەرلەردىڭ, يادرولىق فيزيكا, جوعارى تەحنولوگيالىق جابدىقتار بويىنشا نەمەسە سيرەك كەزدەسەتىن ينجەنەرلىك مامان سەكىلدى, ونسىز ۇيىمنىڭ جۇمىس ىستەۋى مۇمكىن ەمەس بىرەگەي وندىرىستىك جانە جوعارى مامانداندىرىلعان قىزمەتكەرلەردىڭ لاۋازىمىنا, سونداي-اق ەڭبەك زاڭناماسىنا سايكەس جۇمىس ورنىن ساقتاۋ جاعدايىندا قولدانىلمايدى.
دامۋ جوسپارى قايتا قارالادى
سونىمەن قاتار وزگەرىستەر كەزىندە ۇيىمداردىڭ دامۋ جوسپارىنا تۇزەتۋلەر ەنگىزۋدىڭ ءتارتىبى بەلگىلەندى. ۇزاق ۋاقىتتان بەرى جاريالانعان بوس جۇمىس ورنى انىقتالعان كەزدە, اتقارۋشى ورگان بوس جۇمىس ورنىن قىسقارتۋ مەن ەڭبەكاقى تولەۋ قورى تۋرالى مالىمەتتى قوسقاندا, ۇسىنىلعان وزگەرىستى نەگىزدەي وتىرىپ, ناقتىلانعان دامۋ جوسپارىن ۇسىنۋعا مىندەتتى. ناقتىلانعان جوسپاردى قاراۋ مەن بەكىتۋ بەلگىلەنگەن مەرزىمدە, بيىلعى 25 ماۋسىم مەن 25 جەلتوقساننان كەشىكتىرىلمەي جۇزەگە اسىرىلادى.
مەملەكەتتىك مەكەمە باسشىلارىنا كاسىپكەرلىكپەن اينالىسۋعا بولا ما؟
سونداي-اق ەسەپ بەرۋگە قويىلاتىن تالاپ تا ناقتىلاندى: ۇيىمدار پەرسونال مەن ەڭبەكاقى تولەۋ قورى تۋرالى مالىمەتتى, سونىڭ ىشىندە بوس شتات بىرلىگىن قىسقارتۋ تۋرالى دەرەكتى كورسەتەدى.
«قابىلدانىپ وتىرعان بۇل شارالار كادر ۇدەرىستەرىنىڭ اشىقتىعىن ارتتىرۋعا, بيۋدجەت قاراجاتىن ۇتىمدى پايدالانۋعا جانە مەملەكەتتىك ۇيىمدارداعى ادامي رەسۋرستى باسقارۋ ءتارتىبىن كۇشەيتۋگە ارنالعان», دەلىنگەن مينيسترلىك مالىمدەمەسىندە.
