– مەملەكەت باسشىسى قاسىم-جومارت توقاەۆ «اباي جانە XXI عاسىرداعى قازاقستان» اتتى باعدارلامالىق ماقالاسىندا: «سەمەي ءوڭىرى – قازاق تاريحىنداعى كيەلى ولكەنىڭ ءبىرى. سوندىقتان ەلدىڭ رۋحاني دامۋىندا ەرەكشە ورنى بار سەمەي قالاسىن تاريحي ورتالىق رەتىندە بەلگىلەگەن ءجون», دەپ ايرىقشا اتاپ وتكەن بولاتىن. ادەبيەت پەن مادەنيەتتىڭ قازىعى قاعىلعان, كيەلى اباي ەلىنىڭ رۋحانيات ساردارلارىنىڭ الدىڭعى ساپىندا قالام ۇستاعان قاۋىمنىڭ تۇراتىنى اقيقات. سوندىقتان دا مەن بۇگىن وزدەرىڭىزبەن ارنايى جۇزدەسىپ وتىرمىن, – دەدى وبلىس اكىمى.
كەزدەسۋ بارىسىندا ءوڭىردىڭ مادەنيەت سالاسىندا اتقارىلىپ جاتقان ىستەر مەن ناقتى ناتيجەلەر ءسوز بولدى. پرەزيدەنت وكىمىمەن بەلگىلى اقىن تولەگەن جانعاليەۆ مادەنيەت سالاسىنداعى مەملەكەتتىك ستيپەنديا يەگەرى اتاندى. ايتىسكەر اقىن اسەم ەرەجەقىزى «ايبوز» ۇلتتىق ادەبي سىيلىعىن يەلەندى. وتكەن جىلى «اباي جولى» كىتاپحاناسى» سەرياسى اياسىندا 25 اقىن-جازۋشىنىڭ كىتابى جارىق كورىپ, ءوڭىر رۋحانياتىنا جۇيەلى قولداۋ كورسەتىلدى.
الداعى ۋاقىتتا وبلىستا «تارباعاتاي» ءداستۇرلى ونەر تەاترىن اشۋ كوزدەلگەن. ءوڭىر باسشىسى اباي وبلىسىنىڭ گيمنىن جازۋعا ارنالعان « ۇلىلار ەلى» رەسپۋبليكالىق ءان بايقاۋى باستالاتىنىن جاريالادى. ول ەكى باعىتتان تۇرادى: «كيەلى اباي ەلى» – وبلىسقا ارنالعان گيمن جازۋ جانە «Trend auen» – زاماناۋي مۋزىكالىق شىعارمالار بايقاۋى. بۇعان قوسا باسقوسۋدا كونستيتۋتسيالىق رەفورما تۋرالى دا ايتىلدى.
كەزدەسۋدە كىتاپحانا ديرەكتورى مەرەي قارت «اباي جولى» كىتاپحاناسى» جوباسىن تانىستىردى. ءسوز العان باسقا دا اقىن-جازۋشىلار مەن زيالى قاۋىم وكىلدەرى وڭىردەگى رۋحانيات سالاسىن جۇيەلى قولداۋ, جاس قالامگەرلەرگە ارنالعان گرانتتارمەن, وڭىرلىك ادەبي بايقاۋلاردىڭ اۋقىمىن كەڭەيتۋ, اۋىلدارداعى كىتاپحانا قورىن جاڭارتۋ, ايتىس ونەرىن ينستيتۋتسيونالدىق تۇرعىدا دامىتۋ تۋرالى ۇسىنىس-پىكىرلەر ايتىلدى.
اباي وبلىسى
