ماڭعىستاۋدا جاڭا زاۋىت ىسكە قوسىلدى

اقتاۋ. 25اقپان. ماڭعىستاۋدا «كۋدۋ ينداستريز كازاحستان» جشس زاۋىتى اشىلدى. بۇل تۋرالى egemen.kz ءتىلشىسى حابارلادى. زاۋىت تولىق قۇرىلىمداعى بۇراندالى سورعى جۇيەسىن وندىرەتىن بولادى. KUDU-نىڭ بۇراندالى سورعى جۇيەسى اۋىر, ورتاشا جانە جەڭىل مۇنايدى وندىرۋگە باعىتتالعان. وزىق تەحنولوگيالىق جابدىقتارىمەن اتالمىش زاۋىت ماڭعىستاۋ ايماعى ءۇشىن ستاتور, روتور, زاكىر, ۇڭعىمالىق جابدىقتاردىڭ باسقارما شكافى جانە ت.ب. وندىرۋمەن اينالىسادى. زاۋىت كانادانىڭ توتەنشە جانە وكىلەتتى ەلشىسى شون ستايل باستاعان كانادالىق دەلەگاتسيانىڭ ايماققا ءىسساپارى اياسىندا اشىلدى. كانادالىق دەلەگاتسيا ايماقتىڭ كاسىپكەرلەرىمەن كەزدەسىپ, كەزدەسۋدە تاراپتار كانادانىڭ قازاقستانمەن, ونىڭ ىشىندە ماڭعىستاۋ وڭىرىمەن ىسكەرلىك بايلانىستى نىعايتىپ, ءوزارا ىنتىماقتاستىقتى ودان ءارى جانداندىرۋ ماسەلەلەرىن جانە مۇناي-گاز, اۋىل شارۋاشىلىعى سالالارى مەن ينۆەستيتسيالار تارتۋ جونىندەگى ماسەلەلەردى جان-جاقتى تالقىلادى. بۇعان دەيىن KUDU-نىڭ بۇراندالى سورعىلارى مەن باسقا جابدىقتارى وزگە مەملەكەتتەرىنەن تاسىمالدانىپ كەلگەن بولاتىن. گۇلايىم شىنتەمىرقىزى. دەرەك, سۋرەت: egemen.kz.