جەتى مەملەكەتتەن جينالعان ءۇش مىڭنان استام ورەننىڭ ىشىنەن الماتىلىق «Alem Innovators» كومانداسى دارا شىعىپ, ءتۋرنيردىڭ باس جۇلدەسى – «Champions Award Winner» اتاعىن يەلەندى. كوماندا قۇرامىندا ناۋرىزباي اۋدانىنداعى وقۋشىلاردىڭ يننوۆاتسيالىق شىعارماشىلىق ورتالىعىنىڭ قاتىسۋشىلارى ايشا كەنجەباي, نۇربەرگەن جانىبەك, دوسان داۋلەت جانە ومار ەرلان ۇلى بار. جەتەكشىسى – ايدانا ەرمەك. بۇل جەڭىس الماتىلىق جاس ونەرتاپقىشتارعا اقش-تىڭ حيۋستون قالاسىندا وتەتىن FIRST الەمدىك فينالىندا قازاقستان اتىنان قاتىسۋعا جول اشتى.
STEM-ءبىلىم بەرۋدى دامىتۋ جانە دارىندى وقۋشىلاردى قولداۋ الماتى قالاسىنىڭ ءبىلىم بەرۋ جۇيەسىندەگى باسىم باعىتتاردىڭ ءبىرى. بۇگىندە قالاداعى يننوۆاتسيالىق ورتالىقتار بالالاردى روبوتوتەحنيكاعا, باعدارلامالاۋعا جانە زاماناۋي تەحنولوگيالارعا ەرتە جاستان تارتۋعا مۇمكىندىك بەرىپ, باسەكەگە قابىلەتتى جاس ينجەنەرلەر بۋىنىن قالىپتاستىرۋعا ىقپال ەتىپ كەلەدى.
13 جاستاعى وقۋشى ينفورماتيكادان رەسپۋبليكالىق وليمپيادانىڭ جەڭىمپازى اتاندى
الماتى
