فوتو: gov.kz
جوبا اياسىندا اۋىل تۇرعىندارى جىلدامدىعى كەمىندە 100 مبيت/س بولاتىن ينتەرنەت جەلىسىمەن قامتىلىپ, بۇگىندە ينتەرنەت جەلىسى جوق 1 123 ەلدى مەكەنگە تالشىقتى-وپتيكالىق بايلانىس جەلىلەر تارتىلادى.
باستاما ءساتتى جۇزەگە اسسا 2,3 ميلليون ادام جوعارى جىلدامدىقتى ينتەرنەتتى پايدالانا الادى.
40 مىڭ شاقىرىمنان استام تاسجولدا ينتەرنەت پايدا بولادى
«جوبا اياسىندا بايلانىس وپەراتورلارىنا اۋىلدىق جەرلەردە تەلەكوممۋنيكاتسيالىق جەلىلەردى سالۋعا جۇمسالعان شىعىنداردىڭ 50%-نا دەيىنگى مولشەردە قايتارىمسىز ۇلەستىك گرانتتار بەرىلەدى. قۇرىلىس وپەراتورلاردىڭ قاراجاتى ەسەبىنەن جۇزەگە اسىرىلادى, بۇل رەتتە سالىنعان ينفراقۇرىلىم ولاردىڭ تەڭگەرىمىندە (بالانسىندا) قالادى», دەلىنگەن مينيسترلىك حابارلاماسىندا.
ال قاتىسۋشىلاردى ىرىكتەۋ اشىق كونكۋرس نەگىزىندە جۇزەگە اسىرىلادى.
