باس پروكۋرور ۇلىبريتانيادا ەكىجاقتى كەزدەسۋلەر وتكىزدى

استانا. 25 اقپان. باس پروكۋرور اسحات داۋىلباەۆ لوندوندا ۇلىبريتانيانىڭ ازاماتتىق ادىلەت جانە قۇقىقتىق ساياسات مەملەكەتتىك ءمينيسترى لورد ەدۆارد فولكسپەن كەزدەستى. باسقوسۋدا قازاقستاننىڭ قىلمىستىق ىستەر بويىنشا حالىقارالىق قۇقىقتىق ىنتىماقتاستىق ماسەلەلەرى جونىندەگى ەۋروپا كەڭەسىنىڭ كونۆەنتسيالارىنا قوسىلۋى, قىلمىستىق ىستەر بويىنشا ءوزارا قۇقىقتىق كومەك تۋرالى شارتقا قول قويۋى, پەنيتەنتسيارلىق جۇيە بويىنشا تاجىريبە الماسۋى تۋرالى ناقتى ماسەلەلەر, سونىمەن قاتار زورلىق ەكسترەميزممەن جانە تەرروريزممەن كۇرەسۋ بويىنشا ىنتىماقتاستىق ماسەلەلەرىن تالقىلادى. ەكى جاقتىڭ كەلىسىمى بويىنشا, قازاقستان رەسپۋبليكاسىنىڭ زاڭناماسىمەن تانىسۋ, سونداي-اق قىلمىستىق ىستەر بويىنشا ءوزارا قۇقىقتىق كومەك تۋرالى شارت ءماتىنىن دايىنداۋ جانە كەلىسۋ ماقساتىندا بريتانداندىق تاراپ قازاقستانعا ساراپشىلار توبىن جىبەرەتىن بولدى. سۇحباتتاسۋشىلار لوندوندا وتكەن دۇنيەجۇزىلىك قۇقىقتىق سامميت الاڭىنىڭ زاڭ ۇستەمدىگىن, ادىلەتتىلىككە قولجەتىمدىلىك جانە تۇراقتى دامۋدى قامتاماسىز ەتۋ بويىنشا ءوزارا ءىس-قيمىل مەن ىنتىماقتاستىقتى نىعايتۋداعى ءرولىن ەرەكشە اتاپ ءوتتى. جولدىباي بازار. دەرەك, سۋرەت: باس پروكۋراتۋرانىڭ ءباسپاسوز قىزمەتى.