سۋرەت جي كومەگىمەن جاسالعان
جاڭا زاڭ جوباسىنا ساي قازاقستان رەسپۋبليكاسىنىڭ ۆيتسە-پرەزيدەنتىن دەپۋتاتتاردىڭ جالپى سانىنىڭ كوپشىلىك داۋىسىمەن بەرىلگەن قازاقستان رەسپۋبليكاسى قۇرىلتايىنىڭ كەلىسىمىمەن قازاقستان رەسپۋبليكاسىنىڭ پرەزيدەنتى تاعايىندايدى.
ال ۆيتسە-پرەزيدەنت وكىلەتتىگى كەزىندە ساياسي پارتيادا بولۋىنا رۇقسات ەتىلمەيدى.
«ۆيتسە-پرەزيدەنتتىڭ ءوز وكىلەتتىگى كەزەڭىندە وكىلدى ورگاننىڭ دەپۋتاتى بولىپ سايلانۋعا, وزگە دە اقى تولەنەتىن لاۋازىمدى اتقارۋعا, كاسىپكەرلىك قىزمەتتى جۇزەگە اسىرۋعا, سونداي-اق ساياسي پارتيادا بولۋعا قۇقىعى جوق. ۆيتسە-پرەزيدەنت قازاقستان رەسپۋبليكاسى پرەزيدەنتىنىڭ تاپسىرماسى بويىنشا قۇرىلتايمەن, ۇكىمەتپەن جانە باسقا دا مەملەكەتتىك ورگاندارمەن ءوزارا ءىس-قيمىل جاساۋ كەزىندە پرەزيدەنت اتىنان وكىلدىك ەتەدى, سونداي-اق پرەزيدەنت ايقىندايتىن وزگە دە وكىلەتتىكتەردى جۇزەگە اسىرادى», دەپ جازىلعان كونستيتۋتسيادا.
