ەكىباستۇزعا جولساپارعا بارعان سايىن پارامونوۆكا اۋىلىنىڭ تۇسىنان ءوتىپ جۇرەمىن. ءبىرتۇرلى جۇرەگىم اۋىرادى. مەيرام اعا كوزى تىرىسىندە: «ءوزىم الىپ بارامىن, ول اۋىلدىڭ اعايىندارى ءبارى مەنىڭ تۋىستارىم بولىپ كەتتى. موڭعوليادان ءوزىم الىپ كەلگەن سوڭ», – دەيتىن. بارشاگۇل مەن ءداۋىتحان ىلعي دا ويىمدا جۇرەتىن. ءبىر نارسەگە ءبىر نارسە سەبەپشى. وسى جاقىندا «اۋىلدىڭ, مەكتەپتىڭ اتى وزگەرمەي تۇر...» دەپ ۇزاقتاۋ جازىلعان حات كەلدى. ورالمان اعايىندار تۇراتىن پارامونوۆكا اۋىلىنان ەكەن. سودان, كەلە سالا تانىستارىمدى ىزدەدىم.
– بارشاگۇل امان-ەسەن وسى اۋىلدا. جاقىن بولىمشەگە اعىلشىن تىلىنەن ساباق بەرۋگە كەتتى, – دەدى مەكتەپ ديرەكتورىنىڭ ورىنباسارى گۇلنار بايەزوۆا.
مارقۇم مەيرام بالتاباي ۇلى اڭگىمەشىل ەدى. ەكىباستۇزدىڭ اۋىلدارىن ارالاعان ءبىر جولعى جولساپارىمىزدا قاسىمىزدا ءجۇرىپ, ناعىز گازەتكە سۇرانىپ تۇرعان تاقىرىپتارعا ساي اڭگىمەلەردىڭ شەتىن شىعارىپ ايتا باستايتىن. سودان كىلت توقتاپ ەكىنىشىسىنە كوشەتىن. سوندا ءبارىن ايتىپ ۇلگەرمەيتىنىن بىلگەندەي ەكەن. ولاردى كەيىن ءبىر كەلگەندە جازارسىڭ, سەن اۋەلى مىنانى تىڭداشى دەپ, موڭعوليادان اعايىنداردى قالاي كوشىرىپ اكەلگەندەرى جايلى اڭىزداي عىپ ايتاتىن ەدى. وسى كۇنگى بايەت اۋىلىنىڭ اكىمى دوقتىرحانمەن دە, ادىلحانمەن دە مەيرام اعا تانىستىرعان. ومىردەن وتەرىن بىلگەندەي تانىسىپ قالسىن دەدى مە ەكەن. وسى ايتپاقشى بولىپ وتىرعان كەيىپكەرىمىزدىڭ وتباسى جايلى ەرەكشە پىكىردە ەدى. ءوزىم الىپ بارايىن, ولار پارامونوۆكا دەگەن اۋىلعا كوشىپ كەتكەن. موڭعوليادا ورىس تىلىنەن ساباق بەرگەن. بارشاگۇل مەن ءداۋىتحاندار جايلى جاز دەۋشى ەدى. سوندا ءبىر تاڭعالعانىمىز بار. الگى, شەت جاقتان كەلگەن قازاقتار ءبىلىمسىز, بەيىمدەۋ كەرەك دەگەن تۇبىرىمەن قاتە, بىلىمدىلەرى بار. مىسالى, بارشاگۇل سۆەردلوۆسكىدە, ءداۋىتحان ماسكەۋدە وقىعان, دوقتىرحان دەگەنىڭ پوليتولوگ, بۇلار جانە شەتىنەن «تەحنارلار». ماسكەۋدە تەحنيكالىق, مەديتسينالىق وقۋ ورىندارىن بىتىرگەندەر. ەكىباستۇزعا كەلگەن اعايىنداردىڭ ءبىرازى ورىس ءتىلىن جاقسى بىلەدى, – دەيتىن. بىراق, اتتەڭ نە كەرەك, ءداۋىتحاننىڭ وتباسىمەن تانىسۋعا جول تۇسپەدى. مەيرام اعامىز كەنەتتەن جۇرەگى اۋىرىپ, ومىردەن ءوتتى. ءوزىمەن بىرگە قانشاما اڭگىمەلەر كەتتى. اڭگىمەلەر دەگەندە-ۇلتىمىزعا, ەلدىككە, قازاق تىلىنە, تاريحقا قاتىستى جيعان-تەرگەندەردى ايتىپ وتىرمىز.
ەندى, مىنە, قارسى الدىمدا بايان-ولگەيدىڭ قىزى بارشاگۇل وتىر. ارعى اتالارى ءبىر قاۋىم ەلدى باستاپ سوناۋ دۇربەلەڭ جىلدارى قىتايدان موڭعولياعا ءوتىپتى. كىشكەنتايلارىنان اتامەكەن دەپ اڭساۋمەن عۇمىر كەشكەندەر بارشاگۇل سياقتى شەتتە وسكەن جاستاردىڭ ماڭگىلىك ەستەرىندە قالدى. الىستا اتامەكەن, قازاق ەلى بار دەگەن ەلەس قانا مۇنارتاتىن. تاۋدان اسساق جەتەرمىز دەگەن ۇلكەندەردىڭ اڭسارى اۋعان اتامەكەن ول كەزدە قانداي الىس ەدى. ۇيدە انا تىلىندە سويلەپ وسكەندەرىمەن, ورتا مەكتەپتى موڭعول تىلىندە ءبىتىردى, موڭعول بالالارىمەن بىرگە ويناپ, بىرگە ەرجەتتى.
– مەن 1979 جىلى موڭعول تىلىندە مەكتەپ ءبىتىرىپ, ۋلان-باتورداعى شەت تىلدەر ينستيتۋتىنا ءتۇستىم. ورىس ءتىلى ءپانىنىڭ مۇعالىمى دەگەن ماماندىق الدىم. رەسەيدىڭ سۆەردلوۆسك قالاسىندا ءبىلىمىمدى تولىقتىرىپ, جولدامامەن قوبدا اۋدانىنىڭ بۋيانتا دەگەن اۋىلىنا كەلدىم. موڭعوليادا ول كەزدە شەت ءتىلى رەتىندە – ورىس ءتىلى وقىتىلاتىن. سول جەردە موڭعول, قازاق بالالارىنا ورىس تىلىنەن ساباق بەردىم. ارينە, كوپشىلىك جۇرت تاڭعالۋى مۇمكىن. ويتكەنى, موڭعوليادان كەلگەن بىزدەر تۋرالى ءارتۇرلى سوزدەر ەستىپ جۇرەمىز. بىراق, بۇل ەلدىڭ سول كەزدەگى ساياساتى سولاي بولدى ما, بىزدەر قازاق بالالارى ءبارىمىز دە ورىس تىلىندەگى ۇيىرمەلەرگە باردىق. ورىس ءتىلىن بىلۋگە تالپىندىق قوي. مۇعالىمدىكپەن قاتار سۋمىن دەيدى, بىزدىڭشە اۋدان, ايەلدەر ۇيىمىنىڭ ءتورايىمى, سۋمىن دەپۋتاتى بولىپ سايلاندىم. بۋيانتا شالعايداعى اۋىل سانالادى. اۋىلدىڭ, اسىرەسە, ايەلدەردىڭ تۇرمىس جاعدايلارىن, كوپ بالالى انالارعا قولداۋ, دەنساۋلىقتارىن جاقسارتۋ جولدارى جانە جالپى قوعامدىق جۇمىستارعا بەلسەنە ارالاستىم, – دەيدى بارشاگۇل.
جاستىق كۇندەردە, ستۋدەنت كەزدە تاۋدىڭ ارعى بەتىندەگى قازاق ەلى, اتامەكەندەرى بارىن بىلە باستاعان, تۇسىنە باستاعان ۋاقىت تا كەلىپ جەتەدى. قازاق جاستارى باس قوسقان كەشتەردە ءان ارقىلى ساعىنىشتارىن باساتىن. ستۋدەنت جاستار بىرلەسىپ, «ۇشقىن» اتتى ۇيىم قۇرادى. قوسىلا ءان شىرقاپ, تۋعان جەر اتامەكەندى كورۋدى, قازاقتىڭ ورتاسىنا جەتۋدى جاستار دا ارمانداي باستاعان كەز. موڭعوليا جاققا قالاي, نەگە كەلگەندەرىن ءبىلىپ العان سوڭ, ولار تاۋدىڭ ارعى بەتىنە جەتۋگە اسىعا باستادى. بارشاگۇلدەر قۇرعان ستۋدەنتتەردىڭ «ۇشقىن» ۇيىمىنىڭ ماقساتى – جاستاردىڭ انا تىلدەرىن ۇمىتپاۋلارى, سالت-ءداستۇر, ءجون-جورالعىلاردى ساقتاپ قالۋ ەدى.
ويتكەنى, اكە-شەشەلەرى ءبىر قاۋىپتەن قاتتى ساقتاندى. ول قازاق وتباسىلارى موڭعولشا, ورىسشا وقىسا دا جاستارىمىز تۋعان تىلدەرىنەن ايىرىلماسىن دەگەن بەرىك ۇستانىم ەدى. ەلىمىز تاۋەلسىزدىك العان كۇندى ەستىگەندە ولاردىڭ كوزدەرىندە جاس, جۇرەكتەرى اتامەكەن دەپ سوعىپتى.
قازاق ەلىنىڭ پرەزيدەنتى نۇرسۇلتان نازارباەۆ شەتتەگى قازاقتارعا «وتانعا ورالىڭدار!» دەگەن ءسوزى بويتۇمارداي جۇرەگىمىزگە ماڭگىلىك جازىلىپ قالدى. ەلباسىنا ريزامىز. سول كۇنگى قۋانىشتى ءساتتى, كوز جاسىمىزدىڭ توگىلگەن سۇيىنشىلەگەن كۇيىن سوزبەن ايتىپ جەتكىزە المايمىن. ۇسىنىلعان ۇلكەن قىزمەتتەرگە دە, ءۇي-جاي, ەشتەڭەگە قاراعان دا جوقپىز, اتامەكەنگە جەتۋگە اسىقتىق, دەيدى بارشاگۇل.
بۇلاي دەيتىنى, جولداسى ءداۋىتحاننىڭ ماماندىعى بولسا اگرونوم. عىلىمي-زەرتتەۋ ينستيتۋتىندا عىلىمي قىزمەتتەر اتقاردى. سول ءبىر 1991 جىلدىڭ كۇزىندە فرانتسيادا سارىمساقتىڭ جاڭا ءتۇرى بويىنشا كانديداتتىق قورعاۋعا بارماقشى بولسا, بارشاگۇل اعىلشىن ءتىلىن وقىپ ۇيرەنىپ, تولىق كۋرسىن ءبىتىرىپ شىعادى. ويتكەنى, سول ەكى ارادا قوبداعا تاۋدىڭ ارعى بەتىنەن بىرىنەن سوڭ ءبىرى جۇك ماشيەنەلەرى كەلە باستايدى. مارقۇم مەيرام بالتاباي باستاعان ەكىباستۇزدىق اكىمدىك ماماندارىمەن بۇ جاقتاعى جۇرت كادىمگىدەي داۋىستاپ, جىلاپ كورىسىپتى. ءسويتىپ, كوشى-قون اتامەكەنگە جول تارتتى. ول كەزدە ەكىباستۇزدا دانيال احمەتوۆ اكىم بولىپ تۇرعان كەز ەكەن.
– قازاق ءتىلىن جاقسى بىلەسىڭ, – دەپ, مەيرام اعانى اعايىنداردى الىپ كەلەتىن توپتى باسقارۋعا , الىس جولعا اتتاندىرعان دا احمەتوۆ.
– قوبداعا جەتتىك پە دەگەندە, جۇرەك تولقىپ, كوزگە جاس كەلدى. ءبىر مينۋتتا شىداپ تۇرا المادىق, ءبىزدى قۇشاقتاعان قازاقتىڭ وي باۋىرىمداپ, كورىسكەندەرى جانعا قاتتى باتتى, – دەپ ەدى مەيرام اعا.
– العاشىندا ەكىباستۇزدىڭ ولەڭتى اۋىلىنا كەلدىك. ءۇي بەردى. قورامىزعا مال سالدى. بارلىق جاعداي جاسادى. قازىر ءوزىڭىز كورگەندەي اقسۋ قالاسىنا قاراستى پارامونوۆكا اۋىلىندا تۇرامىز. ەلگە ورالعان اعايىنمەن ورتا تولدى.
اۋىل مەكتەبىندە اعىلشىن ءتىلى پانىنەن ساباق بەرەمىن. بارشاگۇل بايان دەگەن اتى-ءجونىم بار قاراپايىم مۇعالىممىن. ءسىز سۇراپ وتىرعان عالىم, اگرونوم – جولداسىم – ءداۋىتحان شاعىن جەكە شارۋاشىلىعى بار, قيىندىقتار دا بولدى, بىراق ءبارىن جەڭدى. ال, كوپ ءتىل بىلگەننىڭ ارتىعى جوق. ءيا, انا تىلىڭە ەشتەڭە جەتپەيدى. قىزىمىز التىناي دا – شەت ءتىلىنىڭ مۇعالىمى, ۇلىمىز ەركەتاي – زاڭ مامانى, التىننۇر – پسيحولوگ, ۇشەۋى دە جوعارى وقۋ ورىندارىن ءبىتىردى. كەزىندە ءسابيت مۇقانوۆتىڭ «بوتاگوز» رومانىن موڭعولشا وقىدىم. قازىر ءوز ءتىلىم – وزەگىم, ءوز جەرىمدەمىن, بالالارىمىزدى اتا-بابا امانات ەتكەن-اتامەكەنگە جەتكىزدىك. بۇدان باسقا ارمان جوق. كەنجە ۇلىمىز يساتاي اتامەكەندە تۋدى, ۇرپاق جالعاسى, «ۇشىرعان ۇياسىنان بالاپان قاز» دەگەن وسى, – دەدى بارشاگۇل قوشتاساردا.
فاريدا بىقاي,
«ەگەمەن قازاقستان».
پاۆلودار وبلىسى,
اقسۋ قالاسى,
پارامونوۆكا اۋىلى.
ەكىباستۇزعا جولساپارعا بارعان سايىن پارامونوۆكا اۋىلىنىڭ تۇسىنان ءوتىپ جۇرەمىن. ءبىرتۇرلى جۇرەگىم اۋىرادى. مەيرام اعا كوزى تىرىسىندە: «ءوزىم الىپ بارامىن, ول اۋىلدىڭ اعايىندارى ءبارى مەنىڭ تۋىستارىم بولىپ كەتتى. موڭعوليادان ءوزىم الىپ كەلگەن سوڭ», – دەيتىن. بارشاگۇل مەن ءداۋىتحان ىلعي دا ويىمدا جۇرەتىن. ءبىر نارسەگە ءبىر نارسە سەبەپشى. وسى جاقىندا «اۋىلدىڭ, مەكتەپتىڭ اتى وزگەرمەي تۇر...» دەپ ۇزاقتاۋ جازىلعان حات كەلدى. ورالمان اعايىندار تۇراتىن پارامونوۆكا اۋىلىنان ەكەن. سودان, كەلە سالا تانىستارىمدى ىزدەدىم.
– بارشاگۇل امان-ەسەن وسى اۋىلدا. جاقىن بولىمشەگە اعىلشىن تىلىنەن ساباق بەرۋگە كەتتى, – دەدى مەكتەپ ديرەكتورىنىڭ ورىنباسارى گۇلنار بايەزوۆا.
مارقۇم مەيرام بالتاباي ۇلى اڭگىمەشىل ەدى. ەكىباستۇزدىڭ اۋىلدارىن ارالاعان ءبىر جولعى جولساپارىمىزدا قاسىمىزدا ءجۇرىپ, ناعىز گازەتكە سۇرانىپ تۇرعان تاقىرىپتارعا ساي اڭگىمەلەردىڭ شەتىن شىعارىپ ايتا باستايتىن. سودان كىلت توقتاپ ەكىنىشىسىنە كوشەتىن. سوندا ءبارىن ايتىپ ۇلگەرمەيتىنىن بىلگەندەي ەكەن. ولاردى كەيىن ءبىر كەلگەندە جازارسىڭ, سەن اۋەلى مىنانى تىڭداشى دەپ, موڭعوليادان اعايىنداردى قالاي كوشىرىپ اكەلگەندەرى جايلى اڭىزداي عىپ ايتاتىن ەدى. وسى كۇنگى بايەت اۋىلىنىڭ اكىمى دوقتىرحانمەن دە, ادىلحانمەن دە مەيرام اعا تانىستىرعان. ومىردەن وتەرىن بىلگەندەي تانىسىپ قالسىن دەدى مە ەكەن. وسى ايتپاقشى بولىپ وتىرعان كەيىپكەرىمىزدىڭ وتباسى جايلى ەرەكشە پىكىردە ەدى. ءوزىم الىپ بارايىن, ولار پارامونوۆكا دەگەن اۋىلعا كوشىپ كەتكەن. موڭعوليادا ورىس تىلىنەن ساباق بەرگەن. بارشاگۇل مەن ءداۋىتحاندار جايلى جاز دەۋشى ەدى. سوندا ءبىر تاڭعالعانىمىز بار. الگى, شەت جاقتان كەلگەن قازاقتار ءبىلىمسىز, بەيىمدەۋ كەرەك دەگەن تۇبىرىمەن قاتە, بىلىمدىلەرى بار. مىسالى, بارشاگۇل سۆەردلوۆسكىدە, ءداۋىتحان ماسكەۋدە وقىعان, دوقتىرحان دەگەنىڭ پوليتولوگ, بۇلار جانە شەتىنەن «تەحنارلار». ماسكەۋدە تەحنيكالىق, مەديتسينالىق وقۋ ورىندارىن بىتىرگەندەر. ەكىباستۇزعا كەلگەن اعايىنداردىڭ ءبىرازى ورىس ءتىلىن جاقسى بىلەدى, – دەيتىن. بىراق, اتتەڭ نە كەرەك, ءداۋىتحاننىڭ وتباسىمەن تانىسۋعا جول تۇسپەدى. مەيرام اعامىز كەنەتتەن جۇرەگى اۋىرىپ, ومىردەن ءوتتى. ءوزىمەن بىرگە قانشاما اڭگىمەلەر كەتتى. اڭگىمەلەر دەگەندە-ۇلتىمىزعا, ەلدىككە, قازاق تىلىنە, تاريحقا قاتىستى جيعان-تەرگەندەردى ايتىپ وتىرمىز.
ەندى, مىنە, قارسى الدىمدا بايان-ولگەيدىڭ قىزى بارشاگۇل وتىر. ارعى اتالارى ءبىر قاۋىم ەلدى باستاپ سوناۋ دۇربەلەڭ جىلدارى قىتايدان موڭعولياعا ءوتىپتى. كىشكەنتايلارىنان اتامەكەن دەپ اڭساۋمەن عۇمىر كەشكەندەر بارشاگۇل سياقتى شەتتە وسكەن جاستاردىڭ ماڭگىلىك ەستەرىندە قالدى. الىستا اتامەكەن, قازاق ەلى بار دەگەن ەلەس قانا مۇنارتاتىن. تاۋدان اسساق جەتەرمىز دەگەن ۇلكەندەردىڭ اڭسارى اۋعان اتامەكەن ول كەزدە قانداي الىس ەدى. ۇيدە انا تىلىندە سويلەپ وسكەندەرىمەن, ورتا مەكتەپتى موڭعول تىلىندە ءبىتىردى, موڭعول بالالارىمەن بىرگە ويناپ, بىرگە ەرجەتتى.
– مەن 1979 جىلى موڭعول تىلىندە مەكتەپ ءبىتىرىپ, ۋلان-باتورداعى شەت تىلدەر ينستيتۋتىنا ءتۇستىم. ورىس ءتىلى ءپانىنىڭ مۇعالىمى دەگەن ماماندىق الدىم. رەسەيدىڭ سۆەردلوۆسك قالاسىندا ءبىلىمىمدى تولىقتىرىپ, جولدامامەن قوبدا اۋدانىنىڭ بۋيانتا دەگەن اۋىلىنا كەلدىم. موڭعوليادا ول كەزدە شەت ءتىلى رەتىندە – ورىس ءتىلى وقىتىلاتىن. سول جەردە موڭعول, قازاق بالالارىنا ورىس تىلىنەن ساباق بەردىم. ارينە, كوپشىلىك جۇرت تاڭعالۋى مۇمكىن. ويتكەنى, موڭعوليادان كەلگەن بىزدەر تۋرالى ءارتۇرلى سوزدەر ەستىپ جۇرەمىز. بىراق, بۇل ەلدىڭ سول كەزدەگى ساياساتى سولاي بولدى ما, بىزدەر قازاق بالالارى ءبارىمىز دە ورىس تىلىندەگى ۇيىرمەلەرگە باردىق. ورىس ءتىلىن بىلۋگە تالپىندىق قوي. مۇعالىمدىكپەن قاتار سۋمىن دەيدى, بىزدىڭشە اۋدان, ايەلدەر ۇيىمىنىڭ ءتورايىمى, سۋمىن دەپۋتاتى بولىپ سايلاندىم. بۋيانتا شالعايداعى اۋىل سانالادى. اۋىلدىڭ, اسىرەسە, ايەلدەردىڭ تۇرمىس جاعدايلارىن, كوپ بالالى انالارعا قولداۋ, دەنساۋلىقتارىن جاقسارتۋ جولدارى جانە جالپى قوعامدىق جۇمىستارعا بەلسەنە ارالاستىم, – دەيدى بارشاگۇل.
جاستىق كۇندەردە, ستۋدەنت كەزدە تاۋدىڭ ارعى بەتىندەگى قازاق ەلى, اتامەكەندەرى بارىن بىلە باستاعان, تۇسىنە باستاعان ۋاقىت تا كەلىپ جەتەدى. قازاق جاستارى باس قوسقان كەشتەردە ءان ارقىلى ساعىنىشتارىن باساتىن. ستۋدەنت جاستار بىرلەسىپ, «ۇشقىن» اتتى ۇيىم قۇرادى. قوسىلا ءان شىرقاپ, تۋعان جەر اتامەكەندى كورۋدى, قازاقتىڭ ورتاسىنا جەتۋدى جاستار دا ارمانداي باستاعان كەز. موڭعوليا جاققا قالاي, نەگە كەلگەندەرىن ءبىلىپ العان سوڭ, ولار تاۋدىڭ ارعى بەتىنە جەتۋگە اسىعا باستادى. بارشاگۇلدەر قۇرعان ستۋدەنتتەردىڭ «ۇشقىن» ۇيىمىنىڭ ماقساتى – جاستاردىڭ انا تىلدەرىن ۇمىتپاۋلارى, سالت-ءداستۇر, ءجون-جورالعىلاردى ساقتاپ قالۋ ەدى.
ويتكەنى, اكە-شەشەلەرى ءبىر قاۋىپتەن قاتتى ساقتاندى. ول قازاق وتباسىلارى موڭعولشا, ورىسشا وقىسا دا جاستارىمىز تۋعان تىلدەرىنەن ايىرىلماسىن دەگەن بەرىك ۇستانىم ەدى. ەلىمىز تاۋەلسىزدىك العان كۇندى ەستىگەندە ولاردىڭ كوزدەرىندە جاس, جۇرەكتەرى اتامەكەن دەپ سوعىپتى.
قازاق ەلىنىڭ پرەزيدەنتى نۇرسۇلتان نازارباەۆ شەتتەگى قازاقتارعا «وتانعا ورالىڭدار!» دەگەن ءسوزى بويتۇمارداي جۇرەگىمىزگە ماڭگىلىك جازىلىپ قالدى. ەلباسىنا ريزامىز. سول كۇنگى قۋانىشتى ءساتتى, كوز جاسىمىزدىڭ توگىلگەن سۇيىنشىلەگەن كۇيىن سوزبەن ايتىپ جەتكىزە المايمىن. ۇسىنىلعان ۇلكەن قىزمەتتەرگە دە, ءۇي-جاي, ەشتەڭەگە قاراعان دا جوقپىز, اتامەكەنگە جەتۋگە اسىقتىق, دەيدى بارشاگۇل.
بۇلاي دەيتىنى, جولداسى ءداۋىتحاننىڭ ماماندىعى بولسا اگرونوم. عىلىمي-زەرتتەۋ ينستيتۋتىندا عىلىمي قىزمەتتەر اتقاردى. سول ءبىر 1991 جىلدىڭ كۇزىندە فرانتسيادا سارىمساقتىڭ جاڭا ءتۇرى بويىنشا كانديداتتىق قورعاۋعا بارماقشى بولسا, بارشاگۇل اعىلشىن ءتىلىن وقىپ ۇيرەنىپ, تولىق كۋرسىن ءبىتىرىپ شىعادى. ويتكەنى, سول ەكى ارادا قوبداعا تاۋدىڭ ارعى بەتىنەن بىرىنەن سوڭ ءبىرى جۇك ماشيەنەلەرى كەلە باستايدى. مارقۇم مەيرام بالتاباي باستاعان ەكىباستۇزدىق اكىمدىك ماماندارىمەن بۇ جاقتاعى جۇرت كادىمگىدەي داۋىستاپ, جىلاپ كورىسىپتى. ءسويتىپ, كوشى-قون اتامەكەنگە جول تارتتى. ول كەزدە ەكىباستۇزدا دانيال احمەتوۆ اكىم بولىپ تۇرعان كەز ەكەن.
– قازاق ءتىلىن جاقسى بىلەسىڭ, – دەپ, مەيرام اعانى اعايىنداردى الىپ كەلەتىن توپتى باسقارۋعا , الىس جولعا اتتاندىرعان دا احمەتوۆ.
– قوبداعا جەتتىك پە دەگەندە, جۇرەك تولقىپ, كوزگە جاس كەلدى. ءبىر مينۋتتا شىداپ تۇرا المادىق, ءبىزدى قۇشاقتاعان قازاقتىڭ وي باۋىرىمداپ, كورىسكەندەرى جانعا قاتتى باتتى, – دەپ ەدى مەيرام اعا.
– العاشىندا ەكىباستۇزدىڭ ولەڭتى اۋىلىنا كەلدىك. ءۇي بەردى. قورامىزعا مال سالدى. بارلىق جاعداي جاسادى. قازىر ءوزىڭىز كورگەندەي اقسۋ قالاسىنا قاراستى پارامونوۆكا اۋىلىندا تۇرامىز. ەلگە ورالعان اعايىنمەن ورتا تولدى.
اۋىل مەكتەبىندە اعىلشىن ءتىلى پانىنەن ساباق بەرەمىن. بارشاگۇل بايان دەگەن اتى-ءجونىم بار قاراپايىم مۇعالىممىن. ءسىز سۇراپ وتىرعان عالىم, اگرونوم – جولداسىم – ءداۋىتحان شاعىن جەكە شارۋاشىلىعى بار, قيىندىقتار دا بولدى, بىراق ءبارىن جەڭدى. ال, كوپ ءتىل بىلگەننىڭ ارتىعى جوق. ءيا, انا تىلىڭە ەشتەڭە جەتپەيدى. قىزىمىز التىناي دا – شەت ءتىلىنىڭ مۇعالىمى, ۇلىمىز ەركەتاي – زاڭ مامانى, التىننۇر – پسيحولوگ, ۇشەۋى دە جوعارى وقۋ ورىندارىن ءبىتىردى. كەزىندە ءسابيت مۇقانوۆتىڭ «بوتاگوز» رومانىن موڭعولشا وقىدىم. قازىر ءوز ءتىلىم – وزەگىم, ءوز جەرىمدەمىن, بالالارىمىزدى اتا-بابا امانات ەتكەن-اتامەكەنگە جەتكىزدىك. بۇدان باسقا ارمان جوق. كەنجە ۇلىمىز يساتاي اتامەكەندە تۋدى, ۇرپاق جالعاسى, «ۇشىرعان ۇياسىنان بالاپان قاز» دەگەن وسى, – دەدى بارشاگۇل قوشتاساردا.
فاريدا بىقاي,
«ەگەمەن قازاقستان».
پاۆلودار وبلىسى,
اقسۋ قالاسى,
پارامونوۆكا اۋىلى.
سوڭعى جاڭالىقتار
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
