ۇلتتىق ۋنيۆەرسيتەت باسشىلىعىمەن كەزدەسۋىندە «ىلە-الاتاۋ مەملەكەتتىك ۇلتتىق تابيعي پاركىنىڭ باس ديرەكتورى ەلنۇر احمەتوۆ «تازا قازاقستان» جوباسى اياسىندا بىرلەسە اتقارىلاتىن جۇمىستارعا توقتالىپ, ورتاق ۇسىنىستار مەن جوسپارلار تالقىلادى.
جالپىۇلتتىق جوبا شەڭبەرىندە ىسكە اساتىن جوبالار جاستار اراسىندا ەكولوگيالىق مادەنيەتتى قالىپتاستىرىپ, قورشاعان ورتانى قورعاۋ, تازالىقتى ناسيحاتتاۋمەن بايلانىستى بولماق. ءوز كەزەگىندە ۋنيۆەرسيتەت باسشىلىعى «تازا قازاقستان» جوباسى اياسىندا وقۋ ورنىندا ىسكە اسىپ جاتقان ەكولوگيالىق عىلىمي زەرتتەۋلەرگە توقتالدى.
كەزدەسۋدە ۇلتتىق پاركتى تاجىريبە الاڭىنا اينالدىرۋ ماسەلەسى قوزعالىپ, تابيعي نىساندار, بيوالۋانتۇرلىلىك پەن ەكوجۇيەلەرگە قاتىستى مالىمەتتەردى تالداۋ ارقىلى ستۋدەنتتەردىڭ زەرتتەۋ قابىلەتتەرىن ارتتىرۋ, بىرلەسكەن وقۋ-ادىستەمەلىك قۇرالداردى بىرلەسىپ ازىرلەۋ بارىسى تالقىلاندى. مۇنىمەن قوسا ۇلتتىق پاركتىڭ دەرەكتەر قورىن عىلىمي اينالىمعا ەنگىزىپ, وقۋ ۇدەرىسىندە پايدالانۋ ماسەلەسى دە ايتىلدى.
ەكى جاق بىرلەسكەن جوبالاردى ىسكە اسىرۋ ماقساتىندا مەموراندۋمعا قول قويدى. ەندىگى كەزەكتە ىلە-الاتاۋ ۇلتتىق پاركىنىڭ تۋريستىك الەۋەتىن ارتتىرۋعا باعىتتالعان جوبالار اياسىندا ستۋدەنتتەر جاڭا تەحنولوگيالاردى پايدالانا وتىرىپ, ەكولوگيالىق, تانىمدىق جانە تۋريستىك باعىتتاعى باستامالاردى جۇزەگە اسىراتىن بولادى. الداعى ۋاقىتتا ستۋدەنتتەر ەكولوگيانى جاقسارتۋعا ارنالعان تسيفرلىق جوبالاردى ىسكە اسىراتىن بولادى.
