94 ميلليون تەڭگە جالاقى قارىزى وتەلدى

اتىراۋ وبلىسىنىڭ الەۋمەتتىك-ەكونوميكالىق سالاسىندا 17 مىڭ زاڭ بۇزۋشىلىق انىقتالىپ, پروكۋرورلار پارمەنىمەن ولاردى جويۋ شارالارى قولعا الىندى. ەل زاڭدارىنىڭ ساقتالۋىن قاداعالاۋشى پروكۋرورلاردىڭ ىقپال ەتۋىمەن 2500-گە جۋىق تۇلعا ءارتۇرلى جاۋاپكەرشىلىككە تارتىلىپتى. «زاڭ بۇزۋشىلىقتارعا بايلانىس­تى 41 قىلمىستىق ءىس قوزعالىپ, 901 زاڭسىز قۇقىقتىق اكتىنىڭ كۇشى جويىلدى», دەپ ءمالىم ەتتى وبلىس پروكۋرورى عالىمجان توعىزباەۆ. سونىمەن بىرگە, پروكۋراتۋرا قىزمەتكەرلەرى 62 مىڭنان استام ازاماتتىڭ, سونىڭ ىشىندە 8 مىڭعا جۋىق جاسى كامەلەتكە تولماعانداردىڭ كونستيتۋتسيالىق قۇقىعىنىڭ قورعالىپ, قالپىنا كەلتىرىلۋىنە دە ىقپالىن تيگىزدى. جالاقىنى ۋاقىتىندا تولەمەگەن جۇمىس بەرۋشىلەردىڭ قىساستىعى جايىندا پروكۋراتۋرا ورگاندارىنا ۇدايى شاعىم ءتۇسىپ تۇرادى. وسىنداي شاعىمدار نەگىزىندە بىلتىر جۇمىسشىلاردىڭ قولىنا تيمەگەن  94 ميلليون تەڭگەلىك جالاقى قارىزى تولىقتاي وتەلدى. وبلىس پروكۋرورلارى 3 مىڭنان استام جۇمىسشىنىڭ ەڭبەك قۇقىعىن قورعاپ, جالاقىعا تەلمىرگەن جۇمىسشىلاردىڭ پروبلەمالى ماسەلەلەرىنىڭ ءتۇيىنىن تارقاتتى. اسىرەسە,  بانكروتتىق قامىتىن كيگەن «اتىراۋبالىق» اق پەن جۇمىسىن توقتاتقان «اسد» سەرىكتەستىگىنەن  500-گە جۋىق جۇمىسشىعا ۋاقىتىندا بەرىلمەگەن جالاقى قارىزى 48 ميلليون تەڭگەنى قۇراعان. پروكۋراتۋرا قىزمەتكەرلەرى 3 مىڭنان استام جۇمىسشىنىڭ ەڭبەك قۇقىعىن قورعاپ, جالاقىعا قاتىستى پروبلەمالى ماسەلەلەردىڭ ءتۇيىنىن تارقاتتى. جولداسبەك شوپەعۇل, «ەگەمەن قازاقستان». اتىراۋ وبلىسى. سۋرەت: shalkarfm.kz