سۋرەت: pavlodarnews.kz
جيىندى اشقان پارتيا توراعاسى, كونستيتۋتسيالىق رەفورما جونىندەگى كوميسسيانىڭ مۇشەسى سەرىك ەگىزباەۆ اتا زاڭ جوباسىن ەل دامۋىنىڭ جاڭا فيلوسوفياسى ءارى «ادىلەتتى قازاقستان» يدەياسىنىڭ قۇقىقتىق ىرگەتاسى دەپ اتادى. «بۇل قۇجات – مەملەكەت باسشىسى قاسىم-جومارت توقاەۆ ۇسىنعان ساياسي رەفورمالاردىڭ زاڭدى جالعاسى. جاڭا ءبىر پالاتالى پارلامەنت – قۇرىلتايدىڭ قۇرىلۋى پارتيالىق جۇيەنى جانداندىرىپ, اۋىل ەڭبەككەرلەرىنىڭ مۇددەسىن جاڭا دەڭگەيدە قورعاۋعا جول اشادى. ءبىز ءۇشىن باستى بايلىق – تابيعي رەسۋرس ەمەس, ءبىلىمدى, ادال ءارى باسەكەگە قابىلەتتى ازامات», دەپ اتاپ ءوتتى س.ەگىزباەۆ.
وتىرىس بارىسىندا ساياسي رەفورمانىڭ نەگىزگى باعىتتارى بويىنشا جارىسسوزدەر جۇرگىزىلىپ, سپيكەرلەر ءوز تۇجىرىمدارىن ورتاعا سالدى. ءماجىلىس دەپۋتاتى جيگۋلي دايراباەۆ 145 دەپۋتاتتان تۇراتىن قۇرىلتايدىڭ تاريحي ماڭىزىنا توقتالدى. ونىڭ ايتۋىنشا, ءبىر پالاتالى مودەل بيۋروكراتيالىق كەدەرگىلەردى جويىپ, بيلىك تەتىكتەرىنىڭ اشىقتىعى مەن تيىمدىلىگىن ارتتىرادى.
پارتيا ارداگەرى مىناۋتاۋبيىك انەسوۆ اتا زاڭدا تاريحي-مادەني مۇرانى ساقتاۋ مەن ء«دىن مەملەكەتتەن بولەك» قاعيداتىنىڭ ناقتىلانۋىن جوعارى باعالادى. «بۇل نورمالار ۇلتتىق قۇندىلىقتاردى قورعاۋدىڭ قۇقىقتىق كەپىلى بولماق», دەدى ول ءوز سوزىندە.
سونىمەن بىرگە جيىندا تۇركىستان وبلىستىق فيليالىنىڭ وكىلى, وبلىستىق ءماسليحات دەپۋتاتى نۇرجان اجىمەتوۆ, سولتۇستىك قازاقستان وبلىستىق ءماسليحات دەپۋتاتى ولگا كليشينا, قىزىلوردا وبلىستىق ءماسليحات دەپۋتاتى سادىق مۇستافا, قوستاناي وبلىستىق ءماسليحات دەپۋتاتى دينارا احمەتوۆا ءسوز الىپ, جوباعا قاتىستى ويلارىن ورتاعا سالدى.
جيىن سوڭىندا «اۋىل» پارتياسى ساياسي كەڭەسىنىڭ مۇشەلەرى كونستيتۋتسيا جوباسىن مۇقيات زەردەلەۋگە, ونى جان-جاقتى ءتۇسىندىرۋ جۇمىستارىن جانداندىرۋعا ءارى شىندىققا جاناسپايتىن ارانداتۋشىلىق جاريالانىمداردىڭ جەتەگىندە كەتپەۋگە شاقىراتىن ۇندەۋ قابىلدادى.
