الدىمەن وبلىس اكىمى تاۋ-كەن مەتاللۋرگيالىق كوللەدجىنە بارىپ, عيماراتتىڭ قازىرگى جاعدايىن كوردى. ناتيجەسىندە, اتالعان نىساندى جاڭعىرتۋ ماقساتىندا جوبالىق-سمەتالىق قۇجاتتامانى جەدەل تۇردە ازىرلەۋدى, سونداي-اق جوندەۋ جۇمىسىنىڭ ناقتى مەرزىمى مەن قارجىلاندىرۋ كوزىن ايقىنداۋدى تاپسىردى.
ودان كەيىن تەحنولوگيا جانە سەرۆيس كوللەدجىندە بولدى. ءبىلىم ورداسىنىڭ وقۋ كورپۋسى مەن سپورت زالىنا بىلتىر كۇردەلى جوندەۋ جۇمىسى باستالعان. ايماق باسشىسى بيىلدان قالدىرماي جاتاقحاناعا دا كۇردەلى جوندەۋ جۇمىسىن جۇرگىزۋ ءۇشىن جوبالىق-سمەتالىق قۇجاتتاماسىن دايىنداۋ مىندەتىن جۇكتەدى.
سونىمەن قاتار وبلىس اكىمى گۋمانيتارلىق كوللەدج عيماراتىنا دا باس سۇقتى. ءوڭىر باسشىسى ءبىلىم ورداسىنداعى سپورت زالدىڭ تالاپقا ساي كەلمەيتىنىن ەسكەرتە وتىرىپ, قوسىمشا عيمارات سالۋدى تاپسىردى.
ايماق باسشىسى ءبىلىم نىساندارىن ارالاۋ بارىسىندا ستۋدەنتتەردىڭ قاۋىپسىز ءارى جايلى جاعدايدا ساپالى ءبىلىم الۋى – ايماقتىڭ ادامي كاپيتالىن دامىتۋداعى باسىم باعىتتىڭ ءبىرى ەكەنىن اتاپ ءوتتى. وسىعان بايلانىستى ءبىلىم بەرۋ نىساندارى زاماناۋي تالاپتارعا تولىق ساي بولۋى ءتيىس ەكەنىن جەتكىزدى.
ۇلىتاۋ وبلىسى
