بيزنەسمەن ەربول يمانقۇلوۆ ۇشاقتا وتباسىمەن قازا تاپتى

استانا. 25 ناۋرىز. قازاقستاندىق بيزنەسمەن ەربول يمانقۇلوۆ فرانتسيانىڭ وڭتۇستىگىندە اپاتقا ۇشىراعان ۇشاقتا وتباسىمەن بىرگە وپات بولدى. بۇل تۋرالى «راديوتوچكا» حابارلادى. قازاقستان سىرتقى ىستەر مينيسترلىگى مۇنىڭ الدىندا 24 ناۋرىز كۇنى فرانتسۋز الپىسىنە بارىپ سوققان Germanwings اۆياكومپانياسىنىڭ بورتىندا قازاقستان رەسپۋبليكاسىنىڭ ازاماتتارى يمانقۇلوۆ ەربول بازارالى ۇلىنىڭ (1965 ج.ت.), ەسەنعاليەۆا ايجان سارىمقىزىنىڭ (1966 ج.ت) جانە يمانقۇلوۆ ءادىل ەربول ۇلىنىڭ (1989 ج.ت.) بولعاندارىن راستادى. «بۇدان باسقا, گەرمانيا بيلىگىنىڭ اقپارى بويىنشا, قازاقستان ازاماتى بولۋى ىقتيمال بلەس ەلەنا ەسىمدى ايەل دە بولعان. قازىرگى تاڭدا ءتيىستى ورگاندار بۇل اقپاردىڭ قانشالىقتى شىندىققا جاناسىمدى ەكەنىن تەكسەرىپ جاتىر», - دەلىنگەن حابارلامادا. سىرتقى ىستەر مينيسترلىگى سونداي-اق قازا تاپقانداردىڭ تۋعان-تۋىستارىنىڭ قازاقستان رەسپۋبليكاسىنىڭ بەرليندەگى كونسۋلدىعىنىڭ «قىزۋ جەلىدەگى» +4915208833631 (نەگىزگى بايلانىس), قازاقستان رەسپۋبليكاسىنىڭ يسپانياداعى (بارسەلونا) كونسۋلدىعىنىڭ +34674482333) نومىرىنە حابارلاسۋلارى كەرەك ەكەنىن تۇسىندىرەدى. بۇدان بولەك, كونسۋلدارمەن حابارلاسۋ مۇمكىن بولماي قالعان جاعدايدا تۋعان-تۋىستاردىڭ سىرتقى ىستەر مينيسترلىگىندەگى كەزەكشى ديپلوماتتىڭ +77172720111 دەگەن تەلەفون نومىرىنە حابارلاسۋلارىنا بولاتىندارىن ەسكەرتەدى. انىقتاما 2014 جىلعى قاڭتاردا «بايتەرەك» حولدينگى قاراعاندى وبلىسى اكىمىمەن مەموراندۋمعا قول قويدى. ول بويىنشا تاراپتار «سيليتسيۋم كازاحستان» ساۋىقتىرۋ ورنىنىڭ جۇمىس جاساۋىن قامتاماسىز ەتۋدى مىندەتتەرىنە الدى. وسىنداي ىنتىماقتاستىق جونىندەگى كەلىسىمگە «تاۋ-كەن سامۇرىق» ينۆەستيتسيالىق قورى مەن ۇلتتىق كومپانياسى دا قول قويدى. ول بويىنشا مەتالل كرەمني شىعاراتىن زاۋىتتىڭ جاڭا باسقارۋشىسى «تاۋ-كەن تەمىر» كومپانياسى بولدى. جۇمىستىڭ ءبىرىنشى كەزەڭىندە ول ءوندىرىستى قالپىنا كەلتىرۋگە 1,5 ملرد. تەڭگەگە جۋىق قارجى سالۋعا ءتيىس-ءتىن. وسى «تاۋ-كەن تەمىر» جشسندا ەربول يمانقۇلوۆ ديرەكتور بولاتىن. ول سونداي-اق «سيليتسيۋم قازاقستان» جوباسىنا دا باسشىلىق جاساۋشى ەدى. ونىڭ جۇبايى ايجان ەسەنعاليەۆا «كازتسينك-اينا» جشس ديرەكتورى بولىپ قىزمەت اتقارعان. مۇرات ايتقوجا. مانبە: راديوتوچكا.