ازەربايجان ۆاليۋتاسىنىڭ باعامى ءبىر تاۋلىكتە 33,5 پايىزعا قۇلادى

ازەربايجاننىڭ ورتالىق بانكى 21 اقپان كۇنى ماناتتىڭ دوللارعا قاتىستى رەسمي باعا­مىن 20 اقپانداعى 1 دول­لارعا 0,7862 ماناتتىڭ ورنىنا 1 دوللارعا 1,05 مانات دەڭگەيىندە بەلگىلەدى دەپ اتاپ كور­­سەتىلگەن ورتالىق بانكتىڭ حابارىندا. وسىلايشا, مانات 33,5 ­پا­يىز­عا قۇن­سىزداندى. «بۇل شەشىم ازەرباي­جان­ ­ەكونوميكاسىن ءارتاراپ­تاندىرۋدى ىنتالاندىرۋ, ەكونوميكانىڭ حالىقارا­لىق باسەكەگە قابى­لەت­تىلىگى مەن ەكسپورتتىق الەۋەتىن كۇ­شەيتۋ, تولەم بالانسىنىڭ تۇ­­راقتىلىعىن قامتاماسىز ەتۋ ماقساتىندا قابىلداندى», دە­لىنگەن حابارلامادا. بۇعان دەيىن ءاوب-ءنىڭ باس­قارما توراعاسى ەلمان رۋس­تاموۆ The Financial Times باسى­لىمىنا بەرگەن سۇحباتىندا ورتالىق بانك مانات باعامىن دوللارعا تاڭىپ قويۋدان باس تارتادى جانە بىرتىندەپ نەعۇرلىم يكەمدى باعا ساياساتىنا كوشەدى, دەپ اتاپ كورسەتكەن بولاتىن. سونىمەن بىرگە, ول ۆاليۋتانىڭ كەز كەلگەن السىزدەنۋى بىرتىندەپ جۇزەگە اساتىنىن, وب-ءنىڭ حالىق مۇددەلەرىن نازاردا ۇستايتىنىن ايتقان. قازىرگى ۋاقىتتا ازەرباي­جاننىڭ ستراتەگيالىق ۆاليۋتا رەزەرۆى ءىجو-ءنىڭ شامامەن 70 پايىزىن قۇرايتىنىن جانە اينالىمداعى قولما-قول مانات بازاسى كولەمىنىڭ 2,5 ەسە ارتىق ەكەنىن مالىمدەگەن. سونىمەن  بىرگە, ول ماناتتىڭ قانشالىقتى قاتتى قۇنسىزدانۋى مۇمكىن ەكەنىن ناقتىلاعان جوق. «ەگەمەن-اقپارات». سۋرەت: http://today.kz/