رەفورما – مەملەكەتتى وركەندەتۋدىڭ وزەگى

جوعارعى سوتتىڭ بار­لىق سۋديالارىن ساي­لاۋ قۇزىرەتى ەندى جو­عارى وكىلدى ورگان دەپۋتات­تار­ىنا بەرىلمەك. «بۇل – بي­لىك تارماقتارى اراسىن­داعى تە­جەمەلىك تەپە-تەڭدىك جۇيە­سىن نى­عايتۋ جانە ۇلتتىق پار­­لامەنتاريزمدى دامىتۋ جو­لىن­داعى ماڭىزدى قادام», دەدى پرەزيدەنت. بۇل وزگەرىس­تەردەن پارلا­مەنتتىڭ بەدەلى كوتە­رىلىپ, ونىڭ بيلىگى ارتادى دەپ ويلايمىن. حا­لىق قالاۋ­لىلارى وسى مۇم­كىن­دىكتى پايدالانىپ, جوعارعى سوت سۋديالارىنىڭ ادىلەتتى جاق­تاپ, حالىق پەن مەملەكەت مۇد­دەسى جولىندا جاناشىر ۇكىم­گە جۇگىنەتىن بولار دەگەن ۇمىت­تەمىن.

الداعى ۋاقىتتا ساياسي پارتيالاردىڭ بەلسەن­دىلىگى كۇشەيەدى. ويتكەنى ەندى پارلامەنتكە دەپۋتاتتار پارتيالىق تىزىممەن سايلانادى. ەندى ماجوري­تار­لىق جۇيە ءماسليحات دە­پۋتات­تارىن سايلاعاندا عانا ساقتالاتىن بولىپتى. وسىعان بايلانىس­تى پرە­زيدەنت: «كەيبىر پار­تيا­لار پارلامەنتپەن قاتار بارلىق دەڭگەيدەگى ءماسليحاتتاردى پروپور­تسيونالدى جۇيەمەن جاساق­تاۋدى ۇسىنعانىن بىلە­مىن. بىراق ايماقتاردا ماجو­ريتارلىق جۇيەنى ساقتاپ قالۋ كەرەك دەپ ويلاي­مىن. ەلىمىزدىڭ وڭىرلەرىندە جەرگىلىكتى ازاماتتاردىڭ داۋىستارى, پىكىرلەرى جاق­سى ەستىلۋى قاجەت. بۇل – مەن ءۇشىن ايقىن ۇستانىم», دەدى.

پرەزيدەنتتىڭ پارلا­مەنت­تەگى كۆوتاسىن الىپ تاستاۋ تۋرالى پىكىرى دە ماعان ۇنادى. شىن مانىندە, پارلامەنتتە «تاڭ­داۋلى تۇلعالاردىڭ» بول­عانى كىمگە كەرەك. بارلىق دەپۋ­تاتتاردىڭ قۇقى مەن قاقى بىردەي بولۋى قاجەت. مەم­لەكەت باسشىسى بۇل تۋرالى: «پارلامەنت ەشكىم­نىڭ قامقور­لىعىنا, قادا­عالاۋىنا مۇقتاج ەمەس ەكەنىنە سەنىمدىمىن. دە­پۋ­تاتتاردىڭ ىشىندە ارنايى تاعاي­ىندالعان «تاڭداۋلى تۇل­عا­لار» بولماۋى كەرەك. ولار بارىنە بىردەي, ورتاق تار­تىپ­پەن سايلانۋعا ءتيىس», دەدى.

پارلامەنتتەگى قازاق­ستان حالقى اسسامب­لەيا­سىنىڭ ارنايى كۆوتاسى­نىڭ الىپ تاستالاتىن­دىعى دا ماعان ۇنادى. ويت­كەنى وسىنىڭ ءوزى حالىق اراسىندا تۇسىنىسپەۋشىلىك تۋدىراتىن. جۇرتتىڭ ءبارى ءبىر سايلاۋشىلاردىڭ قالاۋىمەن سايلانسا, اسسامبلەيانىڭ كۆوتاسىنا ەنگەن دەپۋتاتتار ەكىن­شى داۋىس بەرۋ ارقىلى, قحا مۇشەلەرىنىڭ عانا قا­لاۋىمەن سايلاناتىن ەدى. ەندى ادىلەتتىلىك ورنايدى.

ءاسيا بەكتۇرعانوۆا,

دوتسەنت