قىزىلوردادا سالىنىپ جاتقان ءۇي قۇلاپ, جۇمىسشى قازا تاپتى

استانا. 25 ناۋرىز. قىزىلوردا قالاسىندا 35 پاتەرگە جوبالانىپ سالىنىپ جاتقان تۇرعىن ءۇي قۇلاپ, سونىڭ سالدارىنان ءبىر ادام قازا تاۋىپ, ەكى ادام جاراقات العان. بۇل تۋرالى mail.ru حابارلادى. حابارلامادا كورسەتىلگەندەي, تۇرعىن ءۇيدىڭ ۇستىڭگى قاباتىنداعى بەتوننىڭ عيمارات ورتاسىنا قۇلاعان. سول ساتتە وقيعا ورنىندا 10 قۇرىلىسشى جۇمىس ىستەپ جاتقان. زارداپ شەككەن ەكى ازاماتتىڭ ءبىرى – مىرزامبەت قۇدايبەرگەن قالالىق اۋرۋحانانىڭ نەۆرولوگيا بولىمشەسىنە ەم قابىلداۋدا. ال ەكىنشىسى – نۇرلان قارىمساقوۆ مەديتسينالىق كومەك بەرىلگەن سوڭ ۇيىنە قايتارىلعان. ال قازا تاپقان ازامات ۇلتى وزبەك, 1975 جىلى تۋعان وتكەلبەك ەكاموۆ دەگەن جىگىت ەكەنى انىقتالعان. قازىرگى تاڭدا وبلىس اكىمدىگى مەن ءتيىستى ورىنداردان قۇرالعان 90-عا تارتا ادام وقيعا ورنىن تەكسەرۋدە. اتالعان جايتقا بايلانىستى قىلمىستىق كودەكستىڭ 279- بابى 1-تارماعى بويىنشا (قۇرىلىس زاڭدىلىقتارىن بۇزۋ تۋرالى) قىلمىستىق ءىس قوزعالدى. جاۋاپكەر قۇرىلىستى جۇرگىزگە مەردىگەر مەكەمە بولماق. جولدىباي بازار. دەرەك: mail.ru. سۋرەت: «قازاقپارات».