2026 جىلعى 30 قاڭتار, ساعات 08:00-دەگى جاعداي بويىنشا, ماڭعىستاۋ وبلىسىندا اۋا رايىنىڭ قولايسىزدىعىنا بايلانىستى رەسپۋبليكالىق ماڭىزى بار اۆتوجولداردىڭ كەلەسى ۋچاسكەلەرىندە كولىك قوزعالىسىنا ۋاقىتشا شەكتەۋ ەنگىزىلدى.
رەسپۋبليكالىق ماڭىزى بار «دوسسور – قۇلسارى – بەينەۋ – ساي-وتەس – شەتپە – جەتىباي – اقتاۋ» اۆتوجولىنىڭ 338-632 شاقىرىم ارالىعى (بەينەۋ اۋىلى – شەتپە اۋىلى ۋچاسكەسى) جانە وسى اۆتوجولدىڭ 632-718 شاقىرىم ارالىعى (شەتپە اۋىلى – جەتىباي اۋىلى ۋچاسكەسى).
ماڭعىستاۋ وبلىسىندا ايەل مەن ءۇش بالا قار قۇرساۋىنان قۇتقارىلدى
سونداي-اق, پاۆلودار وبلىسىندا «استانا – شىدەرتى – پاۆلودار – ۋسپەنكا – رف شەكاراسى» اۆتوجولىنداعى كولىك ايرىعىنىڭ ارالىق قۇرىلىمىنداعى شەتكى ارقالىقتاردىڭ زاقىمدانۋىنا بايلانىستى «قالقامان» جولايرىعى ۋچاسكەسى جابىلدى. اتاپ ايتقاندا, قالقامان ەلدى مەكەنىنە كىرەبەرىس پەن استانا باعىتىنا شىعۋ ۋاقىتشا توقتاتىلدى.
استانادان شىعاتىن جولدار جابىلدى: قاتتى ايازعا بايلانىستى قوزعالىسقا شەكتەۋ قويىلدى
ايتا كەتەيىك, سينوپتيكتەر قازاقستاننىڭ 16 وبلىسىندا جانە استانادا داۋىل بولاتىنىن جاريالادى. بولجام بويىنشا, ەلدىڭ باسىم بولىگىن قالىڭ تۇمان باسۋى مۇمكىن.
قوستاناي وبلىسىندا قار قۇرساۋىندا قالعان 100 شاقتى اۆتوكولىك قۇتقارىلدى
