ءالىبي 32 جاستا. سپورتتىڭ بۇل تۇرىندەگى مانسابىن 2019 جىلى باستاعان. سول ۋاقىت ارالىعىندا 11 كەزدەسۋ وتكىزىپ, 10 رەت جەڭىسكە جەتتى. 6 باسەكەدە ايقىن باسىمدىق تانىتتى. ول – ءتۇرلى وتاندىق پروموۋشەندەردىڭ اسا جەڭىل سالماقتاعى چەمپيوندىق بەلبەۋىنىڭ يەگەرى. بىلتىر «The Ultimate Fighte» جارىسىندا باق سىناپ, العاشقى ەكى قارسىلاسىن ەش كۇمانسىز ۇتتى. وكىنىشكە قاراي, 17 تامىزدا چيكاگودا ۇيىمداستىرىلعان سوڭعى جەكپە-جەگىندە اقش فايتەرى دجوزەف مورالەسكە (14-2) سابميشن ادىسىمەن جەڭىلدى. بىراق سوعان قاراماستان قانداسىمىزدىڭ ونەرى دانا ۋايتتىڭ كوڭىلىنەن شىعىپ, UFC-گە شاقىرتۋ الدى.
ءالىبي ىدىرىس العاشقى جەكپە-جەگىن 22 اقپاندا اقش-تىڭ تەحاس شتاتىندا ودي وسبورنعا قارسى وتكىزەدى. 9 قاڭتاردا 34 جاسقا تولعان يامايكانىڭ تۋماسى 2015 جىلدان بەرى 22 رەت وكتاگونعا شىعىپ, 13 مارتە مەرەيى ۇستەم بولدى. 9 كەزدەسۋدى مەرزىمىنەن بۇرىن اياقتادى. 2023 جىلدىڭ تامىز ايىندا ودي اسۋ الماباەۆپەن ايقاستى. بۇل باسەكەدە ءبىزدىڭ جىگىت ەكىنشى راۋندتا قارسىلاسىن قىلقىندىرىپ تاستادى. وسبورن بىلتىرعى جازدا اۋستراليالىق ستيۆ ەرتسەكە ۇپاي سانىمەن ۇتىلدى.
