بۇل مونەتالاردىڭ كوپشىلىگى ارحەولوگيالىق قازبا كەزىندە باتىس قازاقستان وبلىسىنداعى مۇقىر وبالارىنان تابىلعان. اراسىندا جالپاقتال, جايىق قالاشىقتارىنان تابىلعانى دا كەزدەسەدى.
– التىن وردا كەزەڭىنە جاتاتىن مۇنداي تيىندار ءار بيلەۋشىنىڭ كەزىندە سوعىلىپ, ساۋدا-ايىرباس قۇرالى رەتىندە جۇرگەن. تيىنداردىڭ 90 پايىزى كۇمىستەن سوعىلادى. ماماندار تەك حورەزمدە عانا التىن دينار قولدانىستا بولعانىن ايتادى. التىن تيىن – دينار, كۇمىس تيىن – ديرحام, ال مىس تيىندار – پۇل دەپ اتالعان. ءبىزدىڭ قورىمىزدا ساراي, ساراي ءال-ماحرۋسا, ساراي ءال-ءجاديد, حورەزم, گۇلستان, وردا شاھارلارىندا سوعىلعان مونەتالار بار, دەيدى مۋزەي قىزمەتكەرى, شىعىستانۋشى عالىم ورىنباسار احمەتقالي.
ءبىر قىزىعى, بۇل مونەتالاردىڭ فورماسى دا, سالماعى دا ءارتۇرلى. سىرتقى تۇرقى كەيدە شەڭبەر, كەيدە ءتورتبۇرىشتى, كەيدە 8 دوعالى گۇل ءتارىزدى. توقتى حاننىڭ تيىندارىندا ونىڭ ەسىمى اراب جازۋىمەن
ەمەس, ەسكى ۇيعىر جازۋىمەن تاڭبالانىپتى.
حالقىمىز ءاز-جانىبەك دەپ اسپەتتەيتىن بيلەۋشىنىڭ تۇسىندا سوعىلعان مىنا تيىنعا قىسقاشا توقتالايىق:
حيجرانىڭ 751 جىلى, ءبىزدىڭ جىل ساناۋىمىز بويىنشا 1350 جىلى ساراي ءال-جاديدتە, ياعني جاڭا سارايدا سوعىلعان. ديامەترى 15 مم كۇمىس ديرحامنىڭ سالماعى 1 گرامنان ءسال عانا اسادى. مونەتانىڭ ءبىر جاعىندا اراب جازۋىمەن ء«ادىل سۇلتان جانىبەك حان, 751» دەگەن جازۋ, ەكىنشى جاعىندا: «سوعىلدى ساراي ءال-جاديدتە, جىل» دەپ جازىلعان ەكەن.
باتىس قازاقستان وبلىسى
