مەملەكەت باسشىسى قاسىم-جومارت توقاەۆتىڭ ۇلتتىق قۇرىلتايدىڭ V وتىرىسىندا قازاقستان حالقى اسسامبلەياسى مەن ۇلتتىق قۇرىلتايدىڭ ورنىنا حالىق كەڭەسىن قۇرۋدى ۇسىنعان بولاتىن.
بۇگىن كونستيتۋتسيالىق كوميسسيا حالىق كەڭەسىن قۇرۋ, ونىڭ وكىلەتتىكتەرى جانە قىزمەتىن ۇيىمداستىرۋ جەكە كونستيتۋتسيالىق زاڭمەن انىقتالاتىنىن مالىمدەدى.
سەرگەي پونومارەۆتىڭ ايتۋىنشا, حالىق كەڭەسىنىڭ قۇرامىندا 126 مۇشە بولادى. ونىڭ ىشىندە 42 مۇشەسى ەلدەگى ەتنوستاردىڭ وكىلدەرىنەن, تاعى 42-ءسى قوعامدىق بىرلەستىكتەردەن, سونداي-اق وڭىرلەردەگى ءماسليحاتتاردان 42 وكىل بولادى.
ماكسيم روجين: حالىق كەڭەسى – جالپىۇلتتىق ديالوگتىڭ جاڭا فورماتى
حالىق كەڭەسىنىڭ وكىلەتتىگى 71-ءشى باپتا كورسەتىلگەن:
- مەملەكەتتىڭ ىشكى ساياساتىنىڭ نەگىزگى باعىتتارى بويىنشا ۇسىنىستار ازىرلەۋ;
- قوعامدىق كەلىسىمدى, ۇلتتىق بىرلىكتى جانە ىنتىماقتاستىقتى نىعايتۋ;
- قازاقستان رەسپۋبليكاسىنىڭ نەگىزگى قاعيداتتارى مەن ۇلتتىق قۇندىلىقتاردى ناسيحاتتاۋ;
- زاڭ جوبالارىن قۇرىلتايعا ۇسىنۋ;
- رەسپۋبليكالىق رەفەرەندۋم وتكىزۋگە باستاماشىلىق جاساۋ.
سونداي-اق كونستيتۋتسيالىق سوت توراعاسىنىڭ ورىنباسارى باقىت نۇرمۇحانوۆ جاڭا جوعارى كەڭەس ورگانى قازاقستان حالقىنىڭ مۇددەلەرىن ءبىلدىرۋ جانە زاڭ شىعارۋ باستاماسى قۇقىعىنا يە بولاتىنىن مالىمدەگەن.
