«ناشاقورلىق پەن ناركوبيزنەسكە قارسى كۇرەس جونىندەگى كەشەندى جوسپاردى ىسكە اسىرۋ اياسىندا قىلمىستىق ىستەر بويىنشا زاتتاي دالەل رەتىندە تانىلعان ەسىرتكى زاتتارى, سونداي-اق ولاردى دايىنداۋعا, ساقتاۋعا, قاپتاۋعا جانە تۇتىنۋعا پايدالانىلعان ءتۇرلى زاتتار مەن قۇرالدار جويىلدى. مۇنداي ءىس-شارالار قوعامدىق قاۋىپسىزدىكتى قامتاماسىز ەتۋگە جانە ەسىرتكى قىلمىسىنا قارسى كۇرەستى كۇشەيتۋگە باعىتتالعان», دەدى پاۆلودار وبلىسى پد وكىلدەرى.
ۆەدومستۆو زاڭسىز ەسىرتكى اينالىمىنا قارسى ءىس-قيمىل جۇمىستارى كەشەندى سيپاتتا جۇرگىزىلىپ جاتقانىن اتاپ ءوتتى. جەدەل-ىزدەستىرۋ شارالارىمەن قاتار, پروفيلاكتيكاعا, حالىق اراسىندا تىيىم سالىنعان زاتتارعا دەگەن تەرىس كوزقاراس قالىپتاستىرۋعا جانە جاستاردىڭ زاڭسىز ارەكەتتەرگە تارتىلۋىنىڭ الدىن الۋعا ەرەكشە كوڭىل ءبولىنىپ جاتىر.
پوليتسيا ءوڭىر تۇرعىندارىن ازاماتتىق بەلسەندىلىك تانىتىپ, بەيجاي قاراماۋعا شاقىرادى.
«ەسىرتكىنىڭ زاڭسىز اينالىمى تۋرالى كەز كەلگەن اقپارات شەشۋشى ءرول اتقارۋى مۇمكىن.قۇقىققا قارسى ارەكەتتەر تۋرالى «Police 102» ءموبيلدى قوسىمشاسى ارقىلى, سەنىم تەلەفونىنا نەمەسە 102 نومىرىنە حابارلاۋعا بولادى. انونيمدىككە كەپىلدىك بەرىلەدى», دەيدى ۆەدومستۆو.
