فوتو: istockphoto.com
شىلدەنىڭ ءبىر تۇنىندە استراحانداعى ۇيلەردىڭ بىرىنە قاراقشىلىق قارۋلى شابۋىل جاسادى. بۇل كەزدە ۇيدە ءتورت ەرەسەك ادام مەن ءۇش جاسار بالا بار ەدى. قاراقشىلىق شابۋىل ناشار تۇسىرىلگەن كينونىڭ جەلىسى ءتارىزدى ءوربىدى. ولار ءۇي يەلەرىنە كءۇش كورسەتىپ, قوقان-لوققى جاساپ, اقشا مەن زەرگەرلىك بۇيىمداردى تالاپ ەتتى. ارام ويلارىن جۇزەگە اسىرعان سوڭ بارلىق ادامداردى كىشكەنتاي بالامەن بىرگە جەرتولەگە قاماپ تاستادى.
قىلمىسكەرلەر وقيعا ورنىنداعى بارلىق قىلمىس ءىزىن تازالاپ بولعان سوڭ اۋلادا تۇرعان كولىكتى دە ءمىنىپ كەتتى. ولاردى تاعى ءبىر قىلمىستىق ىسكە قاتىسى بار تاعى ءبىر ادام توسىپ تۇرعان بولاتىن.
العاشقى بەتتە پوليتسيا قىزمەتكەرلەرى بۇل ءىستى ەل ارالاپ جۇرەتىن قىلمىسكەرلەر جاساعان بولۋى كەرەك دەپ توپشىلادى. جورامال دۇرىس شىقتى. قىلمىسكەرلەردىڭ ەكەۋى تارازدان, بىرەۋى شىمكەنتتەن ەكەن. ولار وقيعا ورنىنان اۋەلى استاناعا, كەيىن تارازعا كەتكەن.
وتباسىنا كەلتىرىلگەن ماتەريالدىق شىعىن 4,2 ملن تەڭگە توڭىرەگىندە. ءۇيدى توناعان, ادامداردى قورقىتىپ-ۇركىتكەن ەكەۋى 8,5 جىلدان جازا ارقالادى. ال, كولىكتى سىرتتا توسىپ تۇرعان ادام 5 جىلعا سوتتالدى. سوتتالعانداردان مورالدىك شىعىن ءوندىرىلدى.
