فوتو: اشىق دەرەككوزدەن
قۇزىرلى ورگاندارعا وقيعا تۋرالى حاباردى كۋاگەرلەر جەتكىزگەن. قالالىق پوليتسيا دەپارتامەنتى كۇدىكتىنى وقيعانىڭ ءىزىن سۋىتپاي ۇستادى. الايدا ۇستاۋ وپەراتسياسى كەزىندە قارسىلىق كورسەتكەن كۇدىكتىگە پوليتسيا قىزمەتكەرلەرى قولدانىستاعى زاڭ تالاپتارىنا سايكەس تابەلدىك قارۋ قولدانۋعا ءماجبۇر بولعان.
«كۇدىكتى مەديتسينالىق مەكەمەگە جەتكىزىلدى جانە پوليتسيانىڭ كۇزەتىندە. قازىرگى تاڭدا وقيعانىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر», دەلىنگەن قالالىق پوليتسيا دەپارتامەنتى تاراتقان حابارلامادا.
ەسكە سالايىق, 11 قاڭتار كۇنى ساعات 18:40-تا شىمكەنتتەگى تولەمەتوۆ كوشەسى بويىنداعى №69/39 ءۇيدىڭ ماڭىنان نۇراي سەرىكبايدىڭ ءمايىتى تابىلعان ەدى. كەيىننەن مارقۇمنىڭ اعاسى كۇدىكتىنىڭ نۇرايدىڭ ءار قادامىن اڭدىعانىن مالىمدەدى.
بۇل ىسكە نەمقۇرايلى قاراعان پوليتسەيلەرگە قاتىستى قىلمىستىق ءىس قوزعالدى.
ستالكينگ قۇربانى بولعان قىزدىڭ ولىمىنە قاتىستى ىسكە مەملەكەت باسشىسى نازار اۋدارىپ, ءىىم مەن باس پروكۋراتۋراعا تىكەلەي باقىلاۋ جاساۋدى تاپسىرعان ەدى.
بۇدان بولەك, شىمكەنت قالاسىندا جول اپاتىنان كەيىن تۋىنداعان جاپپاي توبەلەس سالدارىنان ءبىر ادام قازا تاۋىپ, ءتورت كۇدىكتى ۇستالعانىن حابارلاعانبىز.
