جاڭا باستاما مەملەكەت باسشىسىنىڭ «كىتاپ وقيتىن ۇلت» جوباسى اياسىندا قولعا الىنعان ەكەن. جۇبان مولداعاليەۆ اتىنداعى باتىس قازاقستان وبلىستىق ورتالىق امبەباپ عىلىمي كىتاپحاناسى ورال قالالىق جولاۋشى تاسىمالى بولىمىمەن بىرلەسە كىرىسكەن جوبا ازىرگە قالا ىشىندەگى نەگىزگى ەكى مارشرۋت اۆتوبۋستارىن قامتىعان.
– جولاۋشىلارعا ۇسىنىلىپ وتىرعان كىتاپتاردى جەرگىلىكتى قالامگەرلەر, زيالى قاۋىم وكىلدەرى تەگىن سىيلادى. سول ارقىلى ىزگى باستاماعا بارىنشا قولداۋ ءبىلدىرىپ جاتىر. ءبارىنىڭ دە نيەتى – كىتاپقا دەگەن سۇيىسپەنشىلىكتى ارتتىرىپ, وقۋ مادەنيەتىن كۇندەلىكتى ومىرمەن ۇشتاستىرۋعا باعىتتالعان, – دەيدى جۇبان مولداعاليەۆ اتىنداعى باتىس قازاقستان وبلىستىق ورتالىق امبەباپ عىلىمي كىتاپحاناسى ديرەكتورىنىڭ ورىنباسارى نۇرلىگۇل ساعىنوۆا.
بۇل جوباعا باتىس قازاقستان وبلىسى اكىمدىگى, وبلىستىق ءبىلىم باسقارماسى دا قولداۋ ءبىلدىرىپ وتىر. بولاشاقتا شالعاي ەلدى مەكەندەرگە باراتىن قوعامدىق كولىكتەردە دە وسىنداي سورەلەر پايدا بولۋى مۇمكىن.
باتىس قازاقستان وبلىسى
