فوتو: appple.com
بۇل جاڭا فۋنكتسيا iOS 26.3 جۇيەسىنىڭ ءۇشىنشى بەتا-نۇسقاسىندا پايدا بولدى. Apple ونى قۇپيالىلىقتى كۇشەيتۋ ءۇشىن ەنگىزىپ وتىر. جۇيەدە بۇل مۇمكىندىك iPhone-نىڭ ناقتى گەولوكاتسياسىن شەكتەيدى دەپ سيپاتتالعان.
مۇنىڭ قالاي جۇمىس ىستەيتىنىن قاراپايىم تىلمەن ايتساق, ادەتتە ۇيالى بايلانىس جەلىلەرى تەلەفوننىڭ قاي بازالىق ستانساعا قوسىلعانىنا قاراپ, ادامنىڭ شامامەن قاي جەردە جۇرگەنىن بىلەدى. ال جاڭا قورعانىس وسى ۇدەرىستى شەكتەيدى.
دەگەنمەن بۇل فۋنكتسيا بارلىق iPhone-عا بىردەي قولجەتىمدى ەمەس. ول تەك Apple-ءدىڭ ءوز مودەمدەرى ورناتىلعان قۇرىلعىلاردا جۇمىس ىستەيدى. قازىر بۇل قاتارعا iPhone Air, iPhone 16e جانە M5 ءچيپى بار iPad Pro كىرەدى.
تاعى ءبىر ماڭىزدى جايت – فۋنكتسيا بارلىق ەلدە ىسكە قوسىلماعان. قازىر تەك كەيبىر ايماقتار مەن وپەراتورلاردا عانا قولجەتىمدى. مىسالى, اقش-تا Boost Mobile, ۇلىبريتانيادا EE مەن BT, گەرمانيادا Telekom, ال تايلاندتا AIS پەن True جەلىلەرىندە جۇمىس ىستەيدى.
سونىمەن قاتار بۇل قورعانىس تولىق شەكتەۋ ەمەس. ەگەر ادام جەدەل قىزمەتتەرگە قوڭىراۋ شالسا, تەلەفوننىڭ ورنالاسقان جەرى جاسىرىلمايدى.
