فوتو: اشىق دەرەككوز
بۇرىنعى شەنەۋنىك قازىر رەسەيدە تۇرادى جانە ءوز ەلىن ۇنەمى سىنعا الىپ, اۋىر سوزدەرمەن ايىپتاپ كەلەدى.
NEOS پارتياسىنىڭ وكىلدەرى كنايسلدىڭ ارەكەتى ەلدىڭ حالىقارالىق بەدەلىنە نۇقسان كەلتىرىپ وتىرعانىن, ال ونىڭ پۋتين مۇددەسىنە قىزمەت ەتەتىن «ناسيحاتتىق بيزنەس-مودەلى» قۇقىقتىق سالدارعا اكەلۋى ءتيىس ەكەنىن مالىمدەدى.
كارين كنايسل 2017-2019 جىلدارى اۆستريانىڭ سىرتقى ىستەر ءمينيسترى قىزمەتىن اتقارعان. 2018 جىلى ونىڭ ءوز ۇيلەنۋ تويىندا رەسەي پرەزيدەنتى ۆلاديمير پۋتينمەن بيلەگەنى قوعامدا ۇلكەن رەزونانس تۋدىرعان.
كەيىنىرەك ەكس-مينيستر «روسنەفت» كومپانياسىنىڭ ديرەكتورلار كەڭەسىنە كىردى. ۋكراينادا سوعىس باستالعاننان كەيىن ول بۇل قىزمەتتەن رەسمي تۇردە كەتكەنىن مالىمدەگەن.
