فوتو: gov.kz
«وقيعا بويىنشا جەدەل-تەرگەۋ توبى قۇرىلدى, تەرگەۋ بارىسى باس پروكۋروردىڭ جەكە باقىلاۋىندا», دەلىنگەن حابارلامادا.
سونىمەن قاتار, وقيعاعا دەيىنگى ءمان-جايلاردى وبەكتيۆتى ءارى جان-جاقتى (كوميسسيالىق) انىقتاۋ ماقساتىندا قورعانىس ءمينيسترىنىڭ ورىنباسارى, باس اسكەري پروكۋرور جانە ءىىم اسكەري-تەرگەۋ دەپارتامەنتىنىڭ باسشىسى ىسساپارمەن جىبەرىلدى.
وسى توپقا ەل اۋماعىنداعى ءتيىستى اسكەري بولىمدەردە اسكەري ءتارتىپ پەن جەكە قۇرامنىڭ قاۋىپسىزدىك تالاپتارىنىڭ ساقتالۋىنا تەكسەرۋ جۇرگىزۋ مىندەتى جۇكتەلدى.
بۇدان بولەك, مەرزىمدى اسكەري قىزمەتشىلەردىڭ ءومىرى مەن دەنساۋلىعىن ساقتاۋ, قىزمەت وتكەرۋ قاۋىپسىزدىگى ماسەلەلەرى جۋىق ارادا باس پروكۋراتۋرانىڭ ارنايى القا وتىرىسىندا قارالاتىن بولادى.
ايتا كەتەيىك, 2026 جىلعى 23 قاڭتاردا وسكەمەن گارنيزونىنا قاراستى اسكەري بولىمدەردىڭ بىرىندە مەرزىمدى قىزمەتتەگى سارباز وزىنە قول جۇمسادى.
