فوتو: gov.kz
اقمارال ءالنازاروۆا مەديتسينا سالاسىنداعى نىسانداردىڭ ينفراقۇرىلىمىن جەتىلدىرۋ باعىتىندا اتقارىلىپ جاتقان ءىس-شارالار تۋرالى دا باياندادى.
وڭىرلەر اراسىندا كومەك ساپاسىن تەڭەستىرۋ ءۇشىن 15 وبلىستىق بالالار اۋرۋحاناسىن جاڭارتۋ جانە زاماناۋي پەريناتالدىق ورتالىقتار جەلىسى سالىنىپ جاتىر. جاڭا نىساندار استانا, شىمكەنت, الماتى جانە باسقا قالالاردا بوي كوتەرەدى.
سونداي-اق ەلىمىزدە بالا تۋعاننان 18 جاسقا دەيىنگى دەنساۋلىق جاعدايىن باقىلاۋدىڭ تسيفرلىق جۇيەسى ەنگىزىلگەن.
«قابىلدانىپ جاتقان شارالار سوڭعى ەكى جىلدا نارەستە ءولىمىنىڭ دەڭگەيىن – 13%-عا, ال بالالار ءولىمىنىڭ دەڭگەيىن – 5,5%-عا تومەندەتۋگە مۇمكىندىك بەردى. قازاقستان ددۇ-نىڭ جۇقپالى ەمەس اۋرۋلار بويىنشا مەزگىلسىز ءولىمدى 25%-عا قىسقارتۋ جونىندەگى ماقساتىنا قول جەتكىزگەن ورتالىق ازياداعى ءبىرىنشى ەل بولدى», دەدى دەنساۋلىق ساقتاۋ ءمينيسترى.
سونداي-اق بۇگىن ۇكىمەت وتىرىسىندا وقۋ-اعارتۋ ءمينيسترى جۇلدىز سۇلەيمەنوۆا مەملەكەت باسشىسىنىڭ تاپسىرمالارى شەڭبەرىندە ازىرلەنگەن 2026-2030 جىلدارعا ارنالعان «قازاقستان بالالارى» بىرىڭعاي تۇجىرىمداماسىن ۇسىندى.
سونداي-اق جيىندا الماتى تاۋ كلاستەرىن, ششۋچە-بۋراباي كۋرورتتىق ايماعىن جانە ماڭعىستاۋدى دامىتۋ جوسپارلارى بەكىتىلگەنى ايتىلدى.
