فوتو: اشىق دەرەككوز
«الماتىەلەكتروترانس» ءباسپاسوز قىزمەتىنىڭ مالىمەتىنشە, №92 باعىتتاعى اۆتوبۋستىڭ جۇرگىزۋشىسى الەكساندر ستەپانوۆ سول كۇنى تاڭەرتەڭ مەديتسينالىق تەكسەرۋدەن وتكەن.
وقيعا بولعان كەزدە كولىكتە جولاۋشىلار دا بولعان. قوعامدىق كولىك اباي داڭعىلى مەن سايىن كوشەسىنىڭ قيىلىسىندا باعدارشامنىڭ قىزىل تۇسىنە توقتاعاندا كاپ-2 ديسپەتچەرلىك قىزمەتىنە جۇرگىزۋشىنىڭ دەنساۋلىعى سىر بەرگەنى تۋرالى حابار تۇسكەن.
الماتىدا اۆتوبۋس جۇرگىزۋشىلەرىنە ارنالعان دەمالۋ بولمەلەرى سالىنادى
مۇنى بايقاعان جولاۋشىلاردىڭ ءبىرى لەزدە ارەكەت ەتىپ, جۇرگىزۋشى كابيناسىنا كىرىپ تەجەگىشتى باسىپ ۇلگەرگەن. باتىل شەشىمنىڭ ارقاسىندا جول اپاتى تىركەلمەگەن.
دەسە دە جەدەل جاردەم قىزمەتكەرلەرى جەتكەندە الەكساندر ستەپانوۆتىڭ جان تاپسىرعانىن انىقتاعان. الدىن الا جاسالعان قورىتىندىعا ساي جۇرگىزۋشى جەدەل ميوكارد ينفاركتىنەن كوز جۇمعان بولۋى مۇمكىن.
«وقيعا ورنىنا اۋەزوۆ اۋدانى جول پوليتسياسى باسقارماسىنىڭ قىزمەتكەرلەرى جەتتى. اۆتوبۋسقا تەحنيكالىق زاقىم كەلمەگەن, جولاۋشىلار اراسىندا زارداپ شەككەندەر جوق. تەرگەۋ شارالارىنان كەيىن كولىك پارككە جەتكىزىلدى», دەلىنگەن قالالىق پوليتسيا تاراتقان حابارلامادا.
كوكشەتاۋدا شەتەل ازاماتتارى وتىرعان اۆتوبۋس جولاۋشىلارى ەۆاكۋاتسيالاندى
ال الەكساندر ستەپانوۆ «الماتىەلەكتروترانس» جشس-دە 2023 جىلدىڭ تامىز ايىنان بەرى قىزمەت ەتكەن. كۇنى كەشە 2/2 جۇمىس كەستەسىنە سايكەس, ونىڭ مارشرۋتقا شىققان العاشقى جۇمىس كۇنى بولعان.
كومپانيا جۇرگىزۋشىنىڭ تۋعان-تۋىسىنا كوڭىل ايتىپ, زاڭناما اياسىندا وتباسىنا كومەك بەرۋگە دايىن ەكەنىن حابارلادى.
