شاعىن شارۋاشىلىقتاردىڭ ىرىلەنگەنى دۇرىس

كەشە ورتالىق كوممۋنيكاتسيالار قىزمەتىندە ۇلتتىق كاسىپكەرلەر پالاتاسى اوك كوميتەتى حاتشىلىعىنىڭ حاتشىسى مىرزاحمەت وكسىكباەۆ پەن پالاتانىڭ اوك كوميتەتىنىڭ توراعاسى يۆان ساۋەر بريفينگ وتكىزدى. ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ اۋىلشارۋاشىلىق ونىمدەرىن تولىق وڭدەۋگە قاتىستى بەرگەن تاپسىرمالارى جونىندە اڭگىمەلەگەن سپيكەرلەر, كەيبىر باعدارلامالاردىڭ ورىندالۋ بارىسى كوڭىل كونشىتپەي تۇرعانىن دا جاسىرمادى. ايتكەنمەن, نەگىزگى جۇمىس اتقارىلىپ جاتقان كورىنەدى. ماسەلەن, قازىر ءماجىلىس قاراۋىندا جاتقان زاڭ جەتىلدىرىلىپ, ابدەن پىسىقتالىپتى. ناتيجەسىندە, 5 بىردەي زاڭ ءبىر ارنادا ءتۇيىستىرىلىپ, شارۋاشىلىقتاردىڭ ەركىن جۇمىس ىستەۋىنە قولايلى ەتىلىپتى. جەكە شارۋاشىلىقتار كووپەراتسيا­سىن جۇرگiزۋدi ەڭ الدىمەن وڭدەۋشi ونەركاسiپ سالاسىنان باستاۋ قاجەت ەكەن. «ماجىلiستە كووپەراتسيالار تۋرالى زاڭ جوباسى قارالىپ جاتىر. بۇگiنگi كۇنi كووپەراتسيالار جۇمىسىن رەتتەيتiن 5 زاڭ بار. سول زاڭداردىڭ بارلىعى بىرىكتىرىلىپ 1 عانا زاڭ بولادى. ونىڭ ۇستiنە قازiر جەكە كاسiپكەرلەر سالىعى دا ءوسۋ ۇستىندە. كوميتەتكە وعان قاتىستى دا سۇراقتار كوپ كەلiپ جاتىر. وزگە دە ماسەلەلەر بار. حاتشىلىق پەن كوميتەت بiرلەسە وتىرىپ, سالىققا قاتىستى ءوز ۇسىنىستارىن جولدادى. ال, شاعىن جەكە شارۋاشىلىقتار كووپەراتسياسىن جۇرگiزۋدi ەڭ الدىمەن وڭدەۋشi ونەركاسiپ سالاسىندا قولعا العان دۇرىس دەپ ويلايمىن», دەدى م.وكسىكباەۆ. ونىڭ سوزىنە سەنسەك, الەمدە اۋىلشارۋاشىلىق ءونىمىن ءوندىرىپ, ونى نارىققا شىعارۋدا باسقا جول جوق كورىنەدى. ونداي جاقسى تاجىريبە ءوز ەلىمىزدە دە بار ەكەن. «قاراعاندى وبلىسىندا ءسۇت وڭدەۋشiلەر شاعىن كاسiپكەرلەرگە وزدەرi بارىپ, مال باسىن كوبەيتiپ, جەم-ءشوبiن جەتكىزىپ بەرiپ, سونىڭ ارقاسىندا ءسۇت الىپ جاتىر. ول دا كووپەراتسيانىڭ بiر ءتۇرi دەپ ويلايمىن», دەدى حاتشى. ال, «اگروبيزنەس-2020» باعدارلاماسىن جۇزەگە اسىرۋعا بىرقاتار اكىمشىلىك كەدەرگىلەر كولدەنەڭ تۇر ەكەن. «اوك سالاسىن دامىتۋ ءۇشiن بiزگە تولىق كولەمدەگi مەملەكەتتiك قولداۋ قاجەت. «اگروبيزنەس-2020» باعدارلاماسى بۇگiنگi كۇنi جەتكiلiكتi كولەمدە, ءارi تولىق قارجىلاندىرىلىپ وتىرعان جوق. بۇل تۇستا, ياعني مەملەكەتتiك قولداۋدى الۋ بارىسىندا تاپ بولاتىن بەلگiلi بiر اكiمشiلiك توسقاۋىلدار بار», دەدi م.وكسiكباەۆ. ونىڭ پىكىرىن قولداعان كوميتەت توراعاسى ي.ساۋەر باعدارلامانىڭ نەگiزگi باعىتتارىنىڭ 33-37 پايىزى تولىق قارجىلاندىرىلماي وتىرعانىن ايتتى. ول «اگروبيزنەس-2020» باعدارلاماسىنىڭ ەكi جىلدىق جۇمىس قورىتىندىسى وسىنى كورسەتىپ وتىرعانىن جەتكىزدى. ءسويتىپ, بۇل ماسەلە اتالعان جوبانى تولىق جۇزەگە اسىرۋدا نەگىزگى پروبلەماعا اينالعانىنا وكىنىش ءبىلدىردى. دەسە دە, جالپى العاندا اوك-تiڭ بيۋدجەتi تۇراقتى كورىنەدى. سونداي-اق, سالاداعى بارلىق باعدارلامالار, سۋبسيديالار مەن نورمالار ساقتالعان. «ەندى 40 ملرد. تەڭگە كولەمiندە بولىنەتىن قوسىمشا بيۋدجەت قارجىسىن كۇتiپ وتىرمىز. ول قارجى بۇگiنگi تالاپتارعا وراي ناقتى سەكتورعا باعىتتالادى», دەدى ي.ساۋەر. نۇرباي ەلمۇراتوۆ, «ەگەمەن قازاقستان».