كورمەگە ارت-تەراپيالىق ساباقتار بارىسىندا ورىندالعان جۇمىستار قويىلىپ, يزوتەراپيا مەن ساندىك-قولدانبالى ونەردىڭ ءارتۇرلى تەحنيكالارى قامتىلدى. اتاپ ايتقاندا, كينۋسايگا, كىلەم تەحنيكاسى, جۇننەن جاسالعان اكۆارەل جانە بيسەرمەن جۇمىس ىستەۋ ادىستەرى قولدانىلعان. بۇل تاسىلدەر زەينەتكەرلەردىڭ شىعارماشىلىق الەۋەتىن اشىپ, ەموتسيونالدىق جاي-كۇيىن جاقسارتۋعا باعىتتالعان.
زەينەتاقى 10%-عا وسەدى: 2026 جىلى زەينەتكەرلەر قانشا تەڭگە الادى؟
ەكسپوزيتسياعا ارت-ستۋديا ۇيىرمەسىنىڭ تۇراقتى قاتىسۋشىلارىمەن قاتار, جاڭادان قوسىلعان زەينەتكەرلەر دە قاتىستى. كورمەدە شامامەن 40 قاتىسۋشىنىڭ جۇمىسى ۇسىنىلىپ, ءار اۆتوردىڭ جەكە شىعارماشىلىق كوزقاراسى مەن ءستيلى كورىنىس تاپتى.
«قىسقى شابىت» كورمەسى كوكتەمگى كورمە اشىلعانعا دەيىن جالعاسادى. جوبا قاتىسۋشىلاردىڭ شىعارماشىلىق دامۋىنا ىقپال ەتىپ, كورەرمەندەرگە ەستەتيكالىق اسەر مەن جاعىمدى كوڭىل-كۇي سىيلايدى.
«بۇل كورمە قىستىڭ تىنىشتىعى مەن جارىعىن, وزىندىك كوڭىل-كۇيى مەن رۋحاني اسەرىن جەتكىزەتىن شىعارماشىلىق كەڭىستىك رەتىندە ۇيىمداستىرىلدى. سۋرەت ونەرىن ءسۇيىپ تاماشالايتىن قالا تۇرعىندارىن اجەلەرىمىزدىڭ شىعارمالارىمەن تانىسۋعا شاقىرامىز. «قىسقى شابىت» كورمەسى قوشقارباەۆ داڭعىلى 29/1 ۇيدە قىس ايلارىنىڭ سوڭىنا دەيىن جالعاسادى», دەپ وي ءبولىستى كورمە ۇيىمداستىرۋشى ايگۇل ەركىنقىزى.
جالپى الماتى اۋدانى بويىنشا ارت-تەراپيا ۇيىرمەسى 2022 جىلدان بەرى جۇمىس ىستەپ كەلەدى, ۇيىرمەگە قول ونەر شەبەرى ايگۇل قوجاحمەتوۆا جەتەكشىلىك ەتەدى.
