فوتو: ءماجىلىس (ارحيۆ)
ونىڭ ايتۋىنشا, ينستيتۋتتاردىڭ نىعايۋى, قۇقىق ۇستەمدىگىنىڭ ورنىعۋى جانە نورماتيۆتىك يەرارحيانىڭ ايقىندالۋى مەملەكەتتىك باسقارۋدىڭ ساپاسىن ارتتىرىپ, بيلىكتىڭ ورنىقتىلىعىن قامتاماسىز ەتەدى. بۇل ءوز كەزەگىندە ەل دامۋىنا بەرىك نەگىز قالايدى.
«ەكونوميكا ينستيتۋتتار نىعايعان, قۇقىق ۇستەمدىگى ورناعان, نورماتيۆتىك يەرارحيا ايقىن بولعان جەردە جانە مەملەكەتتىك باسقارۋ مادەنيەتى ەرەجەلەر مەن راسىمدەرگە نەگىزدەلگەن جاعدايدا داميدى», دەدى دەپۋتات.
اسحات راحيمجانوۆ: كونستيتۋتسيالىق رەفورما – بۇل قوعامنىڭ ناقتى سۇرانىستارىنا جاۋاپ
ايداربەك قوجانازاروۆ 2019 جىلدان بەرى قازاقستاندا ينستيتۋتسيونالدىق كەمەلدىككە باعىتتالعان جۇيەلى وزگەرىستەر جۇزەگە اسىپ كەلە جاتقانىن ەسكە سالدى. وسى كەزەڭدە ساياسي جۇيە جاڭعىرتىلىپ, ازاماتتاردىڭ ساياسي ومىرگە قاتىسۋ تەتىكتەرى كەڭەيدى, پارتيالار مەن ازاماتتىق قوعامنىڭ ىقپالى ارتتى. كونستيتۋتسيالىق رەفورما – وسى باستامالاردىڭ زاڭدى ءارى قيسىندى جالعاسى.
دەپۋتاتتىڭ پىكىرىنشە, ۇسىنىلىپ وتىرعان وزگەرىستەر مەملەكەتتىڭ دامۋ باعىتىنىڭ الدىن الا ويلاستىرىلعانىن جانە جۇيەلى تۇردە ىسكە اسىرىلىپ جاتقانىن كورسەتەدى.
«كونستيتۋتسيالىق رەفورما – بۇل ەل دامۋىنىڭ الدىن الا بەلگىلەنگەن باعىتىنىڭ قيسىندى جالعاسى. ونىڭ نەگىزدىلىگى مەملەكەتتىك جۇيەدەگى سەنىمنىڭ, جاۋاپكەرشىلىكتىڭ جانە جەدەلدىكتىڭ ارتۋىنان كورىنەدى», دەدى ول.
سەرىك ەگىزباەۆ ەكولوگيالىق قۇندىلىقتاردى اتا زاڭدا ۇلتتىق باسىمدىق دەپ بەكىتۋدى ۇسىندى
سونىمەن قاتار ايداربەك قوجانازاروۆ قوعامدىق ديالوگتىڭ ماڭىزىنا ەرەكشە توقتالدى. حالىق كەڭەسى تەتىگى ازاماتتار مەن بيلىك اراسىنداعى تۇراقتى كەرى بايلانىس الاڭى رەتىندە قالىپتاسىپ كەلەدى. بۇل مەحانيزم قوعامنىڭ وزەكتى ماسەلەلەرىن اشىق تالقىلاۋعا جانە شەشىم قابىلداۋ ۇدەرىسىنە حالىقتىڭ كەڭىنەن قاتىسۋىنا جول اشادى.
دەپۋتاتتىڭ ايتۋىنشا, كونستيتۋتسيالىق وزگەرىستەر ەڭ الدىمەن جاس بۋىننىڭ بولاشاعىنا باعدارلانعان. رەفورما ەكونوميكانى, كاسىپكەرلىكتى جانە الەۋمەتتىك ينفراقۇرىلىمدى دامىتۋعا قولايلى ورتا قالىپتاستىرادى.
«ارقايسىمىزدىڭ ەلدەگى وزگەرىستەردى تالقىلاۋعا, ماڭىزدى قوعامدىق ماسەلەلەر بويىنشا پىكىر ايتۋعا جانە قابىلداناتىن شەشىمدەرگە ءۇن قوسۋعا مۇمكىندىگىمىز بار ەكەنىن جوعارى باعالايمىز. ادىلەتتى قازاقستاندى قۇرۋ – بارشامىزعا ورتاق جاۋاپكەرشىلىك», دەپ تۇيىندەدى ا.قوجانازاروۆ.
وسىلايشا, كونستيتۋتسيالىق رەفورما ساياسي جاڭعىرۋدى تەرەڭدەتىپ, ەكونوميكالىق وسىمگە سەرپىن بەرەتىن, قوعام مەن بيلىك اراسىنداعى سەنىمدى كۇشەيتەتىن ماڭىزدى قادام رەتىندە باعالانىپ وتىر.
م.ماگەرراموۆ: «زاڭ مەن ءتارتىپ» – ادىلەتتى قوعامنىڭ بەرىك تۇعىرى
