شىعىس قازاقستاندا جەمقورلىققا قارسى بىرلەسكەن جوبالار جۇزەگە اسىرىلادى

وسكەمەن. 24 اقپان. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ شىعىس قازاقستان وبلىسى بويىنشا دەپارتامەنتى وڭىردەگى ءبىلىم بەرۋ, ىشكى ساياسات, اۋىل شارۋاشىلىعى, كاسىپكەرلىك جانە يندۋستريالدى-يننوۆاتسيالىق دامۋ, دەنساۋلىق ساقتاۋ باسقارمالارىمەن سىندارلى ىنتىماقتاستىق جونىندەگى بىرلەسكەن جوبالاردى جۇزەگە اسىرماق. بۇل تۋرالى egemen.kz ءتىلشىسى حابارلادى. جوبالار اگەنتتىك باسشىلىعىنىڭ تاپسىرماسىنا سايكەس, جەرگىلىكتى جەرلەردەگى اتقارۋشى ورگاندارمەن قازاقستان رەسپۋبليكاسىنىڭ سىبايلاس جەمقورلىققا قارسى بىرىڭعاي كەلىسىلگەن ساياساتىن جۇرگىزۋ, وعان حالىقتى بارىنشا قاتىستىرۋ ماقساتىندا بەكىتىلدى. بىرلەسكەن جوبالار اياسىندا بيزنەستىڭ دامۋىنا كەدەرگى كەلتىرەتىن اكىمشىلىك كەدەرگىلەردى ازايتۋ جانە جۇيەلى پروبلەمالاردى انىقتاۋ, كاسىپكەرلىك سۋبەكتىلەرىنىڭ قىزمەتىن زاڭسىز تەكسەرۋگە جول بەرمەۋ جونىندەگى شارالاردى قابىلداۋ بويىنشا كاسىپكەرلەردىڭ قۇقىقتارى قورعالادى. جاستار اراسىندا سىبايلاس جەمقورلىققا قارسى مادەنيەتتى ناسيحاتتاۋ جانە تاربيەلەۋ, سىبايلاس جەمقورلىققا قارسى ءىس-قيمىلدىڭ پريزماسى ارقىلى ماقساتتى توپتار ءۇشىن اعارتۋشىلىق جۇمىستاردى ارنايى وقىتۋ باعدارلامالارىن ىسكە اسىرا وتىرىپ جۇرگىزۋ قاراستىرىلعان. سونداي-اق ساياسي پارتيالار, قوعامدىق ۇيىمدار, ۇكىمەتتىك ەمەس ۇيىمدار, ەتنومادەني جانە ءدىني بىرلەستىكتەر, قۇقىق قورعاۋ ۇيىمدارى, كاسىپوداقتار, بۇقارالىق اقپارات قۇرالدارى, عىلىمي جانە شىعارماشىلىق قوعامدار, قوعامدىق پىكىر جەتەكشىلەرىمەن بىرلەسكەن ىنتىماقتاستىق جۇمىستار جۇرگىزىلەدى. دۋمان اناش. دەرەك: egemen.kz. سۋرەت: mednorma.ru.