«كومپانيا ەلەكتر ەنەرگياسىن تاراتۋ جۇيەسىنىڭ قاۋىپسىز ىسكە قوسىلعانىن جانە شيكى مۇنايدىڭ باستاپقى ءوندىرۋ جۇمىستارىنىڭ قايتا باستالعانىن راستايدى.
«تەڭىزشەۆرويل» مۇمكىندىككە قاراي ءوندىرىس كولەمىن كەزەڭ-كەزەڭىمەن ارتتىرۋعا كىرىستى. كومپانيا قاۋىپسىز ءارى سەنىمدى ءوندىرىستى قامتاماسىز ەتۋ قاعيداتتارىنا ادال بولىپ قالا بەرەدى. بۇدان وزگە وندىرىستىك قىزمەتىنىڭ ەگجەي-تەگجەيلەرىنە تۇسىنىكتەمە بەرمەيدى», دەپ حابارلادى كومپانيانىڭ ءباسپاسوز قىزمەتى.
ەستەرىڭىزگە سالا كەتەيىك, ەنەرگيا جۇيەسىندەگى ىركىلىسكە بايلانىستى تەڭىز جانە كورولەۆسكوە كەن ورىندارىندا مۇناي ءوندىرۋدى توقتاتۋعا تۋرا كەلگەن بولاتىن. 18 قاڭتاردا اتىراۋ وبلىسىندا ەكى ترانسفورماتوردان ءورت شىقتى.
مۇناي ءوندىرىسى توقتاپ تۇر: ەنەرگەتيكا مينيسترلىگى تەڭىز كەن ورنىندا تەكسەرۋ جۇرگىزىپ جاتىر
سول ۋاقىتتا تەحنيكالىق قىزمەتتەر اپاتتىڭ سەبەپتەرىن انىقتاۋعا جانە ونىڭ سالدارىن جويۋعا كىرىستى. كومپانيا وقيعا سالدارىنان ەشكىمنىڭ زارداپ شەكپەگەنىن اتاپ ءوتتى.
