فوتو: كونستيتۋتسيالىق سوتتىڭ تەلەگرام ارناسى
ءماجىلىس دەپۋتاتى «كونستيتۋتسيالىق قۇرىلىس نەگىزدەرى» اتاۋىنىڭ جالپىعا بىردەي تانىلعان قۇقىقتىق كاتەگوريا ەكەنىن اتاپ ءوتتى.
كونستيتۋتسيالىق رەفورما: اتا زاڭنىڭ قاي باپتارى قايتا قارالادى؟
ونىڭ ايتۋىنشا, «كونستيتۋتسيالىق قۇرىلىس نەگىزدەرى» ۇعىمى مەملەكەتتىڭ دامۋ باعىتىن ايقىندايتىن نەگىزگى قاعيداتتار مەن بازالىق ەرەجەلەردىڭ جيىنتىعىن بىلدىرەدى. ال «جالپى ەرەجەلەر» اتاۋى بەيتاراپ ءارى سيپاتتامالىق سيپاتقا يە بولىپ, كونستيتۋتسيالىق-قۇقىقتىق تۇرعىدان العاندا وسى بولىمدە قامتىلعان نورمالاردىڭ يەرارحيالىق ماڭىزىن تولىق اشپايدى.
ونىڭ پىكىرىنشە, ءبولىم اتاۋىن وزگەرتۋ وندا بەكىتىلگەن قاعيداتتاردىڭ نورماتيۆتىك مارتەبەسىن كۇشەيتىپ, ولاردى كونستيتۋتسيالىق باقىلاۋ جۇرگىزۋ بارىسىندا جانە قۇقىقتىق ءتۇسىندىرۋ كەزىندە نەعۇرلىم ناقتى ءارى ءبىرىزدى قولدانۋعا مۇمكىندىك بەرەدى. سونىمەن قاتار بۇل نورمالاردىڭ تەك دەكلاراتيۆتى سيپاتتا قابىلدانۋ قاۋپىن ازايتادى.
كونستيتۋتسيالىق رەفورما: «قۇرىلتاي» مەن «حالىق كەڭەسىنىڭ» وكىلەتتىگى تالقىلاندى
«بۇل قۇقىقتىق كولليزيالاردى شەشۋدە ايرىقشا ماڭىزعا يە. سەبەبى كونستيتۋتسيالىق قۇرىلىس نەگىزدەرىن ايقىندايتىن نورمالار كونستيتۋتسيانىڭ وزگە ەرەجەلەرى مەن قولدانىستاعى زاڭناماعا قاتىستى باسىمدىققا يە بولۋعا ءتيىس. وسى تۇرعىدان العاندا, قۇقىقتىق لوگيكا مەن ايقىندىق قاعيداتتارىنا سايكەس «كونستيتۋتسيالىق قۇرىلىس نەگىزدەرى» اتاۋىن قولدانۋ ورىندى», دەدى سنەجاننا يماشەۆا.
