بجزق انىقتاماسى ەندى egov.kz پورتالىندا قولجەتىمدى

بىرىڭعاي جيناقتاۋشى زەينەتاقى قورىنىڭ سالىمشىلارى ەلەكتروندى ۇكىمەت پورتالىندا ينۆەستيتسيالىق كىرىسى كورسەتىلگەن زەينەتاقى جيناقتارىنىڭ جاعدايى تۋرالى اقپاراتتى الا الادى. بۇگىنگى كۇنى egov.kz پايدالانۋشىلارىنىڭ زەي­نەتاقى تولەۋ جونىندەگى مەملەكەتتىك ورتالىقتىڭ (زتمو) انىقتامالارىن الۋعا مۇمكىندىگى بار, وندا زەينەتاقى اۋدارىمدارىنىڭ سوماسى كىرىسسىز كورسەتىلگەن. انىقتامانىڭ جاڭا تۇرىندە سالىمشىنىڭ زەينەتاقى جيناقتارىنىڭ جاعدايى, جەكە زەينەتاقى شوتتاعى قاراجاتتىڭ قوزعالىسى, زەينەتاقى جارنا­لارىنىڭ ءتۇسۋى, زەينەتاقى تولەمدەرىنىڭ جۇزەگە اسۋى, سونداي-اق ينۆەستيتسيالىق كىرىس تۋرالى اقپارات بار. «بۇرىنعى زتمو ەلەكتروندى انىقتاماسى سالىمشىنىڭ زەينەتاقى شوتىنداعى قوزعالىستى كورسەتكەن, بىراق وندا ينۆەستيتسيالىق كىرىس كورسە­تىلمەدى. ەجزق جاڭا انىقتاماسى, سونىڭ ىشىندە سالىمشى بەلگىلى ۋاقىتتىڭ ىشىندە قانداي كىرىس نەمەسە شىعىن العاندىعىن كورسەتەدى», دەپ حابارلايدى «ۇلتتىق اقپاراتتىق تەحنولوگيالار» اق باسقارما توراعاسى رۋسلان ەڭسەباەۆ. قىزمەت www.egov.kz پورتالى «ازاماتتار» كاتەگورياسى – «الەۋمەتتىك قامتاماسىز ەتۋ» تاراۋى – «زەينەتاقىلىق قامتاماسىز ەتۋ» بولىمىندە قول جەتىمدى. قىزمەتتى الۋ ءۇشىن ەلەكتروندى تسيفرلىق قولتاڭبا جانە «ەلەكتروندى ۇكىمەت» پورتالىندا تىركەلۋ قاجەت. قىزمەت كورسەتۋ مەرزىمى 30 مينۋتتان اسپايدى. «بجزق اقپاراتتىق جۇيەلەرى مەن «ەلەكتروندى ۇكىمەت» پورتالىن بىرىكتىرۋدىڭ باستى ماقساتى – بۇل جيناق تۋرالى بارلىق اقپاراتتى قادامدىق قول جەتىمدىلىكتە الۋ مۇمكىندىگى. ەندى ءار سالىمشى ءوزىنىڭ زەينەتاقى جيناقتاۋلارىن دۇرىس باقىلاي الادى», دەيدى «بجزق» اق باسقارما توراعاسىنىڭ ورىنباسارى رۋسلان ەردەناەۆ. 2014 جىل قورىتىندىسى بويىنشا, egov.kz ارقىلى زتمو زەينەتاقى جيناقتارىنىڭ جاعدايى تۋرالى ەلەكتروندى انىقتاماسى 4 ملن.-نان استام مارتە الىندى. اتالعان انىقتاما سالىمشىلاردىڭ جەكە ماقساتتارى, سونداي-اق بانك نەسيەسىن الۋ نەمەسە سالىق دەكلاراتسياسىن تولتىرۋ ءۇشىن قولدانىلا الادى. «ەگەمەن-اقپارات».